2022 jyldyŋ 19 tamyzynda Ūlttyq qauıpsızdık komitetı Şekara qyzmetıne qarasty Taraz qalasyndaǧy «Şöldala» şekara bölımınde boryşyn ötep jürıp, suisid jasady degen 2004 jylǧy Bekbol Miraştyŋ kiımderınen Q. degen azamattyŋ, A. degen azamattyŋ jäne K. degen azamattyŋ şäuetterı tabyldy. Būl turaly advokat Aiman Omarova mälım ettı, dep habarlaidy "Adyrna" ūlttyq portaly Azattyq Ruhy saityna sılteme jasap.
Omarovanyŋ aituynşa, soŋǧy oqiǧalardan keiın sarbazdyŋ ata-anasy odan kömek sūraǧan. Sondyqtan, ıske qatysty jasalǧan barlyq sot-medisinalyq saraptamany qolyna alyp, mūqiiat qaraǧan jäne äleumettık jelıde tıkelei efir ötkıze otyryp, Bekbol Miraştyŋ futbolkasynan naqty esımderı jazylǧan üş er adamnyŋ jäne esımı belgısız taǧy ekı er adamnyŋ, barlyǧy bes adamnyŋ biomaterialy tabylǧanyn aşyq mälım ettı.
«Menıŋ ärıptesım (advokat Serjan Praliev – red.) Bekbol Miraştyŋ ısınde özge er adamdardyŋ biomaterialdary, iaǧni şäuetterı tabylǧanyn mälım etken edı. Menıŋ aitarym, būl – ras. Ol sot saraptama qūjattarynda anyq jazylǧan fakt. Ol qūjattardyŋ bärın qarap, men būl ıste zorlyq bolǧan dep sanaimyn. Sot-medisinalyq saraptamasynan qysqaşa üzındı oqyǧannyŋ özınde, jaǧdai sūmdyq: qaza tapqan jıgıttıŋ auzynan qan aralas şäuet tabylǧan. Bıraq tergeu «ol jıgıttıŋ özınıŋ şäuetı» degen. Alaida, özderıŋız oilaŋyzdarşy, bala sonda öz şäuetın öz auzyna qūiǧan ba? Jaraidy, tergeudıŋ būl äreketıne köz jūmdyq deiık. Bıraq bır emes, bırneşe saraptama jasalǧan», - degen Aiman Omarova saraptamalarda bırneşe er adamnyŋ biomaterialy tekserılgenın jäne tekseruden ötken biomaterialdar boiynşa şäuet naqty kımderdıkı ekenı anyq jazylǧanyn aitady.Advokattyŋ mälımdemesıne jügınsek, ol er adamdardyŋ būl äskeri bölımge tıkelei qatysy bar, bıraq Omarova olardyŋ kım ekenın, iaǧni qatardaǧy sarbaz ba, älde äskeri bölım qyzmetkerı me, jariia etken joq. Tek şäuetı tabylǧan adamnyŋ bırı Bekbol Miraştyŋ ısınde qazır kuäger bolyp jürgenı anyq.
«Molekulalyq-genetikalyq saraptama bylai dep jazady: jıgıttıŋ futbolkasynda kuäger Q. degen azamattyŋ şäuetı tabylǧan. Odan basqa kemı ekı er adamnyŋ şäuetı tabylǧany jazylǧan. Q. degen azamatpen qatar, A. degen azamattyŋ jäne K.degen azamattyŋ biometarialdary tabyldy. Sonda sot-saraptama naqty üş azamattyŋ biomaterialyn tapqan. Odan basqa taǧy ekı belgısız er adamnyŋ biomaterialy bar. Sonda būl ne bolǧany!?» - deidı advokat.Aiman Omarova osylaişa Miraş Bekboldyŋ ısınde naqty zorlyq-zombylyq belgısı bar ekenın, jäne qazır kemı bes er adamnyŋ şäuetı boiynşa derek bar ekenın, bıraq tergeu saraptamada aty aitylyp tūrǧan üş adamǧa qatysty tıptı ıs qozǧalmaǧyn aityp otyr. Iаǧni Omarova būl ıste būrmalau bar boluy mümkın ekenın jäne tergeu Miraş Bekboldy suisidke itermeledı degen aiyppen qamauda otyrǧan serjant Aibek Nūrtaevtyŋ ısıne ǧana basymdyq berıp otyrǧanyn aitty.
«Sot saraptamasy boiynşa naqty osy kısılerdıŋ şäuetı anyqtalǧan. Tüsınesızder me!? Osynyŋ bärıne qaramastan, tergeu ıstı qysqartty ma, bılmeimın, bıraq būl aty aitylǧan üş azamatqa qatysty ıs tırkelmegen. Tek qana serjantqa qatysty ıs tırkep, sony sotqa jıbergısı kelıp otyr. Al serjanttyŋ zorlyq-zombylyqqa qatysy joq bolsa kerek, öitkenı saraptamada oǧan qatysty mälımet joq. Ärine ol serjanttyŋ basqa baptar boiynşa zaŋsyz äreketterı bar boluy da, bolmauy da mümkın. Ol turaly äzırge aita almaimyn. Bıraq būl sarbazdyŋ ölımınde naqty zorlyq-zombylyq bolǧanynyŋ dälelderı bar jäne bız qazır ıstıŋ tek bır şetın ǧana aityp otyrmyz», - deidı advokat Aiman Omarova.Sondyqtan, būl aitylǧandardy eskere otyryp Aiman Omarova äleumettık jelıde tıkelei efir ötkızdı, efir kezınde ol Prezidentten kömek sūrady.
«Mynandai jaǧdai bolyp jatqan kezde äskerge senım joq bolyp tūr. Prezidentten sūraitynymyz, osy ıstı basqa qūqyq qorǧau organynyŋ tergeuıne jıberu kerek, ekınşıden ıstı öz baqylauyna alsa deimız», - dedı Aiman Omarova.
"Adyrna" ūlttyq portaly