"Astanada jastar arasynda jūmyssyzdyq deŋgeiı öte joǧary, respublika boiynşa ekınşı orynda". Būl pıkırdı bügın Memleket basşysy Qasym-Jomart Toqaev elordany damytu jönındegı keŋes otyrysynda aitty, dep jazady "Adyrna" ūlttyq portaly.
"Azamattardyŋ äl-auqatyn arttyruǧa basa män beru qajet. Basty nazardy qala tūrǧyndaryn jūmyspen qamtuǧa audaru maŋyzdy. Äleumettık qamsyzdandyru aiasyndaǧy ortaşa jalaqy 100 myŋ teŋgeden asady. Jūmys oryndary bar. Bıraq atauly äleumettık kömek alatyn eŋbekke jaramdy azamattardyŋ 60 paiyzdan astamynyŋ tūrmys jaǧdaiy tömen. Sondai-aq jastardy qoldau şaralary tiımdı emes. Jastarmen jūmys būqaralyq ıs-şaralar ötkızuden aspai jatady. Al, Astanada jastar arasynda jūmyssyzdyq deŋgeiı öte joǧary, respublika boiynşa ekınşı orynda. Biyldan bastap 35 jasqa deiıngı azamattar jastar sanatyna qosylady. Soǧan säikes olardyŋ sany köbeiedı. Ükımetke äkımdıkpen bırge qaladaǧy jastarmen jūmysty küşeitudı tapsyramyn",- dedı Toqaev.
"Adyrna" ūlttyq portaly
