Şymkentte qala äkımınıŋ tapsyrmasyna orai, şalǧaidaǧy eldı mekenderdı sapaly internetpen qamtu jūmystary jalǧasyp jatyr. Sondai jūmystardyŋ bırı Eŋbekşı audanyna qarasty Oŋtüstık şaǧynaudanynda qolǧa alyndy. Şaǧynaudanda optikalyq internetpen qamtu jūmystary jeke investor qarajaty esebınen jürgızılude. İnvestor esebınen atqarylǧan jūmys aiaqtalsa, 30 myŋǧa juyq tūrǧyn internetke qol jetkızedı.
Däl qazırgı uaqytta «SpesavtomatikaServis» JŞS tarapynan şaǧynaudanda qajettı qūrylǧylar ornatylyp, 40 şaqyrymdy qamtityn köşege abonenttık kabel jelısın jürgızu jūmystary atqaryluda. Jalpy Oŋtüstık şaǧyn audanynda 6 300-ge juyq jeke sektordaǧy üilerge optikalyq jelıge qosyluǧa mümkındık jasalatyn bolady. Atalǧan jūmystar aiaqtaluǧa taiau. Sosyn joǧarǧy jyldamdyqty internet jelısıne qosyluǧa ötınım tastaǧan tūrǧyndardy internetke qosu jūmystary bastalady.
Aita keteiık, tūrǧyndar tarapynan keŋjolaqty internet jelısıne qosylu qajet bolǧan jaǧdaida «SpesavtomatikaServis» kompaniiasyna +7 705 783 06 80 telefonyna habarlasyp, ötınım beruge bolady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz