Türkıstan oblysynda qatty jauyn-şaşyn men qalyŋ qardyŋ eruı saldarynan su deŋgeiı köterılıp, köşelerdı su basu jaǧdaiy Bäidıbek, Sauran, Ordabasy audandarynda oryn alǧan bolatyn. Būl turaly Türkıstan oblysynyŋ Öŋırlık kommunikasiialar qyzmetı habarlady, dep jazady "Adyrna" ūlttyq portaly.
Türkıstan oblysy Tötenşe jaǧdai departamentınıŋ mälımetınşe, qazırgı taŋda atalǧan audandarda saǧat 13:00-den bastap jauyn-şaşyn toqtady. Jaǧdai tūraqtalyp keledı.
Tūrǧyn üilerdıŋ su basuyna jol bermeu maqsatynda, TJD qyzmetkerlerınıŋ kömegımen jaŋbyr suyn soru jäne sudy aidau jūmystary jalǧasyp jatyr. Zardap şekkender joq.
Atalǧan jūmysqa Türkıstan oblysy Tötenşe jaǧdailar departamentınen 63 qyzmetker, 9 bırlık tehnika, 20 motopompa jäne jergılıktı atqaruşy organdardyŋ 240 qyzmetkerı, 40 bırlık tehnika, 5 motopompa jūmyldyrylyp, sudy soru jäne aryqtardy tazalau jūmystary jürgızılıp jatyr.
"Adyrna" ūlttyq portaly
