Türkıstan oblysynda bırneşe aidan berı jürgızılgen apattyŋ aldyn alu jūmystarynyŋ nätijesınde tolassyz jauǧan jauynnan keler alapat apatqa jol berılgen joq. Jauapty organ basşylarynyŋ ştab otyrysynda sarapşylar osyndai qorytyndyǧa keldı. Oblystyq tötenşe jaǧdailar departamentınıŋ basşylyǧy şyǧyn kölemın anyqtau üşın Kentau men Sauran audanynda jergılıktı deŋgeidegı tötenşe jaǧdai jariialau turaly ūsynys köterdı.
Jalpy, jyl basynan berı oblys äkımı Darhan Satybaldynyŋ tapsyrmasymen barlyq audan, qalada su tasqynyna qarsy jūmys küşeitılgen bolatyn. Tūraqty talqylanyp, ärbır audan, qala äkımıne naqty mındetter jükteldı. Aua raiynyŋ aldyn ala boljamy nazarǧa alynyp, qauıpsızdık nyǧaiyp, aryqtar men atyzdar, kanaldar tazalandy. Tehnika men tötenşe jaǧdai departamentınıŋ mamandary, jergılıktı äkımdıkter daiyndyqqa keltırıldı. Sonyŋ arqasynda ülken şyǧyndar men apattarǧa tosqauyl qoiylyp otyr.
Oblys äkımı Darhan Satybaldy Sauran audany men Kentau qalasyndaǧy su basqan bırneşe eldı mekendı aralap, tūrǧyndarmen kezdestı. Oraŋǧai, Qūsşy ata auyldaryn aralady. Köşelerden su qaşyrtu jūmystaryn kördı. Tötenşe jaǧdai departamentınıŋ ökılderımen bırge jergılıktı tūrǧyndarmen jüzdestı.
– Jauyn-şaşynnyŋ mölşerden tys köp tüsuı, aua raiynyŋ kürt jylynyp, qardyŋ eruı osy jaǧdaiǧa äkeldı. Tūrǧyndardyŋ qauıpsızdıgı men amandyǧy maŋyzdy. Būl jaǧdaida sabyr kerek. Eŋ bastysy, el aman. Barlyq audan, qaladaǧy jaǧdai baqylanyp, tiıstı jūmystar atqarylyp jatyr. İrrigasiialyq jüieler aşylyp, kanaldar tazartylǧan. Jaǧdai baqylauda, – dedı Darhan Satybaldy.
Qarnaq auylynda qarǧyn sudy bögep, baǧytyn būru jūmysy jürıp jatyr. Tūrǧyndar özderıne arnaiy kelıp, jaǧdaiyn sūrap, eldıŋ arasynan tabylǧan oblys äkımıne rizaşylyqtaryn bıldırıp, su tasqyny zardabyn joiu jūmystary boiynşa ūsynystaryn jetkızdı.
Darhan Satybaldy Sauran audanyndaǧy Şaǧa auylyndaǧy bırneşe aumaqty aralap kördı. Jauyn-şaşynnyŋ toqtauyna bailanysty su deŋgeiı tömendegen. Degenmen qauıpsızdık şaralary küşeitıledı.
Jauyn-şaşyn köp tüsuıne jäne qardyŋ eruıne bailanysty Bäidıbek, Sauran, Ordabasy audandaryndaǧy bırneşe auyldaǧy üilerdıŋ aulalaryn su basty. Erıgen qar suy men jaŋbyr suy 19 eldı mekendegı köşeler men aula uchaskelerı arqyly aǧyp öttı. Qazırgı taŋda 21 köşe, 234 aula, 1 tūrǧyn jeke üige su kırgen. TJD küşımen su basqan aula aumaǧynan 200-den astam adam evakuasiialanǧan. Ol adamdar tuystarynyŋ üilerıne jaiǧasty. Halyqty evakuasiialau jäne uaqytşa ornalastyru üşın Sauran audanynda 4 evakuasiialyq punkt daiyndaldy. Su tasqyny saldaryn joiuǧa barlyǧy 300-den astam adam, 100-ge juyq tehnika, 28 motopompa jūmyldyryldy. Sonymen bırge basqarmalar men käsıpkerler arqyly ondaǧan tehnika kömekke kelıp otyr.
Türkıstan oblysy tötenşe jaǧdailar departamentınıŋ bastyǧy Nūrǧali Jünısovtıŋ aituynşa, jaŋa jyldan berı su tasqynynyŋ aldyn alu baǧytynda jüielı jūmys jürgızılgen. Äkımdıkter men departamenttıŋ bırlesken ıs-äreketı arqyly jaǧdai baqylauǧa alynyp otyr.
Bügınde Türkıstan oblysynyŋ su basu qaupı bar aimaqtary men su nysandarynda 24 saǧattyq kezekşılık ūiymdastyrylǧan. Sudyŋ deŋgeiı jäne eldı mekenderdı qarǧyn sudan saqtau jūmystary tūraqty qadaǧalauǧa alynǧan.
"Adyrna" ūlttyq portaly
