BEIIMBETTI NEGE ŪMYTTYQ?!

Qazaqtyŋ üş bäiteregı atanǧan Säken, Iliias, Beiımbet syndy aiauly azamattarymyz bır jyly tuyp, bır jyly ömırden öttı (1894 - 1938). Qatar tuǧan jūldyzdar şyn mänınde ūlt ädebietınıŋ jūldyzyna, ūlt ruhaniiatynyŋ asqaryna ainaldy. Biyl osy üş azamattyŋ tuǧanyna mereilı 125 jyl!!! Kökeide jürgen bır oi: Säken atynda Astananyŋ qaq törınde Agrotehnikalyq universitet jäne aqynnyŋ memorialdyq muzeiı bar. Al, Ilekeŋnıŋ atynda Taldyqorǧannyŋ jüregınde Jetısu memlekettık universitetı jäne qalanyŋ qaq ortasynda aqynnyŋ ädebi-memorialdyq muzeiı bar eken. Onyŋ syrtynda Iliias atynda tuǧan jūrtyndaǧy ülken poselkenıŋ bar. Säken atynda auyl bar. Säkennıŋ atynda Taldyqorǧandaǧy oblystyq ǧylymi-ämbebap kıtaphana, Qaraǧandy qalasynda qazaq drama teatry bar! Al, Ilekeŋnıŋ atynda Taldyqorǧanda Mädeniet saraiy jäne bar. Endı üşınşı ǧizatli arys, qazaqtyŋ däl özındei qarapaiym Beiımbet Maily balasynyŋ atynda ne universitet, ne muzei, ne kıtaphana, ne teatr da joq eken. Ūiat! Ötken jyly ǧana seŋ qozǧalyp, atyŋ öşkır Tarannyŋ aty tūǧyrdan tüsıp, onyŋ ornyna sonau zäu zamanda jaiǧasuy tiıs edı Bi-aǧaŋ. Jä, mehnatty taǧdyryna osyndai qūrmet jazylsa, kımdı kınälarsyŋ! Ǧabeŋ, aiauly Ǧabit aǧa Müsırepovtei namysşyl ınısı bolǧanda, Bi-aǧaŋnyŋ daŋqy TŪTAS QAZAQSTAN DA JAŊǦYRYP TŪRAR EDI... Qairan Bi-aǧaŋdy ǧūmyrynyŋ soŋyna deiın aialap, qasterlep, şyǧarmaşylyǧy men ädebi mūrasyn tügendep, nasihattap ötken şyn ǧalym, şyn zertteuşı marqūm Toqtar aǧa Beiısqūlov ta ortamyz da joq... 70 -ten asqan şaǧynda Beiımbettıŋ şyǧarmaşylyq mūrasynan kandidattyq dissertasiia qorǧap, qairatker Bi-aǧaŋdy tanytqan osy kısı edı. Qazırgı aramyzda jürgen chinovnik-beiımbettanuşy tek qara basynyŋ qamyn küittegen bıreu eken ǧoi... Desek te, Beiımbettei klassik jazuşy ekı künnıŋ bırınde tuar bolsa, körer edık qoi. Beiımbet Mailin - Qazaq ädebietınıŋ dara jüirıgı, qaitalanbas qalamgerı! "Qazaq deseŋ, Beiımbet! Beiımbet deseŋ, qazaq esıŋe tüsedı" emes pe edı... Qostanai oblysynyŋ basşylyǧy ırı söz jüirıgınıŋ 125 jyldyq mereitoiy aiasynda aqynnyŋ tuǧan ölkesınde ädebi-memorialdyq muzeiın jasaqtap, Qostanaidyŋ qaq ortasynan aşsa, keremet bolar edı. Sosyn Qostanaidaǧy Tolstoi atyndaǧy oblystyq ǧylymi-ämbebap kıtaphananyŋ atyna qazaq äŋgıme janrynyŋ şeberı jäne osy topyraqtyŋ daŋqty tumasy Beiımbet Mailinnıŋ esımın beru- kün tärtıbındegı kezek küttırmeitın mäsele bolu kerek dep oilaimyn!!! Üş arysty bır-bırınen alasartpai, Bi-aǧaŋdy jetımsıretpei jäne alalamai dūrys baǧalap, qūrmetpen qasterleiık!!!

Zor ūsynyspen,  Eldos Toqtarbai, jas jazuşy-zertteuşı, QR "Daryn" memlekettık jastar syilyǧynyŋ laureaty. 30 qaŋtar, 2019 jyl, Astana qalasy.