Qazaq eliniń seısmolog ǵalymdary ǵylymı zertteýlerge ıek arta otyryp, aldaǵy ýaqytta elimizde bolýy múmkin jer dúmpýlerine qatysty boljam jasady. Bul jaıly "Qazaqstan" ulttyq arnasy habarlady, dep jazdy "Adyrna" ulttyq portaly.
"Qazaqstan" ulttyq arnasynyń jýrnalısteri daıyndaǵan materıalda mamandar bylaı jazady:
- Almatyda joıqyn jer silkinisi bola ma? Seısmologtar boljam jasady. Qazaqstandyq seısmologtar Almaty aımaǵynda jeti baldyq joıqyn jer silkinisiniń yqtımal qaýpin baǵalady. Elimizdiń ońtústik jáne ońtústik-shyǵys bólikteri seısmıkalyq qaýipti aımaqta ornalasqan. Ásirese, Almaty aýmaǵy. Munda 1887 jáne 1911 jyldary kúshti jer silkinisi bolǵan. Qazirgi tańda megapolıste dúmpýdiń ortasha merzimi boıynsha qorytyndy ázirlendi.
Qurmetti oqyrman, esterińizge sala keteıik, Túrkııanyń ońtústik-shyǵysy men Sırııa aımaǵynda altynshy aqpan kúni jer silkindi. Zilzalanyń magnıtýdasy 7,6 baldy qurady.
Qazaq elindegi jer tolqynysyna beıim aımaqtarǵa qatysty 2018 jyly jarııalanǵan dereknamada:
«Qazaqstan aýmaǵynyń seısmıkalyq qaýipti aımaq sanalatyn úshten bir bóliginde 6 mıllıonnan astam adam turady. 400-den astam qalalar men eldi mekender, ónerkásip áleýetiniń 40%-y osy aımaqtarǵa shoǵyrlanǵan. QR seısmıkalyq aýdandaryndaǵy (aımaqtarynda) qurylys» erejeleri jınaǵyna (2.03-30-2017 QR EJ) sáıkes, Almaty qalasy, Almaty, Atyraý, Aqtóbe, Shyǵys Qazaqstan, Jambyl, Batys Qazaqstan, Qaraǵandy, Qyzylorda, Mańǵystaý, Ońtústik Qazaqstan oblystary seısmıkalyq qaýipti aımaqta ornalasqan. Uıymnyń eski ataýyn jańǵyrtýdyń negizi osynda jatyr» delingen.
"Adyrna" ulttyq portaly
