Aqtóbede gýmanıtarlyq kolledjdiń 17 jastaǵy stýdenti pyshaqtan jaralanyp aýrýhanaǵa tústi. Aqtóbe oblystyq polıııa departamentiniń habarlaýynsha, 29 qańtar kúni eki kolledj oqýshylary ózara kıkiljińge kelip, bir stýdent ekinshisine pyshaq suǵyp alǵan.
Polıııa bul derek boıynsha jergilikti kolledjderdiń birinde oqıtyn 16 jastaǵy stýdent ustalǵanyn habarlady. Onyń ústinen Qylmystyq kodekstiń 106-baby («densaýlyqqa qasaqana aýyr zııan keltirý») boıynsha is qozǵalǵan.
Aqtóbe oblystyq densaýlyq saqtaý departamentiniń málimetinshe, 29 qańtar kúni ótkir zattan aýyr jaralanyp aýrýhanaǵa jetkizilgen jasóspirim esin jıǵan. Qazir naýqastyń jaǵdaıy birqalypty.
Jábirlenýshi — Aqtóbedegi gýmanıtarlyq kolledjdiń 3-kýrs stýdenti. Kolledj dırektorynyń tárbıe isi jónindegi orynbasary Gúlbarsha Jıenqulovanyń aıtýynsha, jaralanǵan stýdent kolledj jataqhanasynda turmaıdy. Kolledjge týystarynyń úıinen qatynap oqıdy.
Aqtóbede bıyl jasóspirimder janjaldasyp, bir-birine pyshaq salǵan osymen ekinshi oqıǵa tirkelip otyr. 10 qańtar kúni Aqtóbeniń eski zırat aýmaǵynda 40 shaqty oqýshy tóbelesip, arasynda jergilikti ýnıversıtettiń birinshi kýrs stýdenti jaralanǵan. Bul oqıǵadan soń Qylmystyq kodekstiń «buzaqylyq» baby boıynsha qylmystyq is qozǵalǵan.
Al 26 qańtarda Aqtóbe oblysynyń Shalqar qalasynda eki mekteptiń joǵary synyp oqýshylary tóbelesip, bir oqýshy ekinshisine pyshaq salǵan. 10 synyp oqýshysy aýyr jaralanyp, aýrýhanaǵa jetkizilgen soń uzamaı qaıtys bolǵan.
Derekkóz:Azattyq radıosy
