Elımızge belgılı käsıpker Marǧūlan Seisembai Facebook äleumettık jelısındegı paraqşasynda özıne qysym keltırıluıne bailanysty äleumettık belsendılıgın doǧaratynyn aityp, post jazdy.
Aituynşa, QR Bas prokuraturasy Alians bankıne qatysty eskı qylmystyq ısterdı qaita jandandyryp otyr eken.
Dostar,
2018 jyldyŋ 24 jeltoqsanynda, Qazaqstan Respublikasynyŋ Bas Prokuraturasynyŋ janyndaǧy mekemearalyq tergeu toby, meniŋ "Strategiialyq bastamalar forumynan" keiin, jäne meniŋ äleumettik belsendiligim üşin Alians Bankige qatysty eski qylmystyq isterdi qaita jandandyrdy. Būl isterdiŋ birneşe ret tergelgenine, olardyŋ köptegen baptarynyŋ eskergenine qaramastan tergeu toby eski materaldardan jaŋa is qūramaqşy. Men eş bir isten künäm bar dep qoryqpaimyn. Biraq eger kerek bolsa meni kinäli etip qoia alatyny barşamyzǧa belgili jaǧdai.
Alians banki jäne odan nesie alǧan kompaniialardyŋ jūmyskerlerin qaita -qaita şaqyryp, tergep mazalauda.
Osyǧan orai, men özimniŋ äleumettik belsendiligimdi kürt qysqartamyn.
Birinşiden, Tūŋǧyş Prezident saiabaǧyndaǧy "Business lifehacker” tobynda biznes mäselelerdi talqylap keŋes beretin taŋǧy seruenimdi toqtatamyn.
Ekinşiden, Nomad Explorer ūiymdastyru tobynan şyǧamyn. "Oŋtüstik aŋyzdary" ekspedisiiasynyŋ ūiymdastyru jūmystaryn ūiymdastyru komitetine tapsyramyn.
Üşinşiden, "2-şi jastyq" tobynan şyǧamyn.
Törtinşiden, "Qoŋyr unitaz" fleşmobyn toqtatamyn.
Besinşiden, “Alma museum” mūrajaiymen "Almaly jūmaq" qoǧamdyq qoryn jeke balansqa şyǧaryp özimnen bölip tastaimyn.
Altynşydan, memlekettik mūǧalimderdi qoldauǧa arnalǧan "Qalam” qoryn jeke balansqa şyǧaryp özimnen bölip tastaimyn.
Jetinşiden, elimizdiŋ äjethana mäselesin köterip talqylaudy toqtatamyn.
Segizinşiden, jastarǧa biznes jöninde däris oqyǧandy toqtatamyn.
Toǧyzynşydan, būqaralyq aqparat qūraldaryna sūhbat bergendi toqtatamyn.
Onynşydan, belsendilik körsetip jaŋa bastamalardy ūsynudy toqtatamyn.
Men būryŋǧydai öz elime degen süiispenşilikti saqtap, elimizdiŋ damuyna ules qosyp öz ornymda qabiletimdi aiamai adal isterdi alǧa jürgize beruge tyrysamyn.
Qūrmetpen, Marǧūlan Seisembai
