Qazaqstannyŋ Syrtqy ıster ministrlıgı Türkiiadaǧy zılzalada qaza tapqan jäne zardap şekken otandastarymyz turaly aitty, dep habarlaidy «Adyrna» tılşısı.
Vedomstvo Hatai provinsiiasynyŋ Antakia qalasynda üi qūlauy saldarynan qaza tapqan Ädıl Qadyrbekov pen Mirbolat Qūrmaşevtıŋ denelerın Otanǧa jetkızu üşın barynşa kömek körsetının mälımdedı. Marqūmdardyŋ denelerı 11 aqpanda Antaliia-Almaty tūraqty reisımen Qazaqstanǧa jetkızıledı dep kütılude. Barlyq şyǧyndy memleket öz moinyna alady.
«Jer sılkınısınen aman qalǧan Sabina Mamadiarova Adana qalasynyŋ memlekettık auruhanasynda em alyp jatyr. Keşe oǧan zaqymdalǧan qolyna operasiia jasaldy, densaulyq jaǧdaiy tūraqty. Diplomattar emdeuşı därıgerlermen tūraqty bailanysta, qajettı medisinalyq kömek körsetılude. Bügın konsul oǧan jeke baryp qaitady. Türkiiadaǧy jer sılkınısı saldarynan bolǧan qiraular turaly habardan berı Ministrlıktıŋ täulık boiy jūmys ısteitın «jedel jelısıne» 1 myŋnan astam qoŋyraular tüsıp öŋdeldı. Negızınen Türkiia aumaǧynda tuystaryn tabu turaly ötınışter tüstı. Sonymen qatar Türkiiadaǧy diplomattarymyzǧa qoŋyraular men ötınışter tüsıp jatyr, olar osy bırneşe kün ışınde 150-den astam otandastyŋ ornalasqan jerın anyqtap, Qazaqstandaǧy tuystarymen bailanys ornatuǧa kömektestı»,—delıngen habarlamada.Soŋǧy 4 künde Gaziantep, Mersin, Kahramanmaraş, Diiarbakyr, Şanlyurfa, Adana, Konia jäne Eliazyk provinsiialarynan 124 Qazaqstan azamaty şyǧaryldy, onyŋ ışınde 58 Qazaqstan azamaty Astanaǧa repatriasiialyq reistermen jetkızıldı.
