Künı keşe 6 jylǧa sottalǧan Gauhar Älımbekovanyŋ oqiǧasy düiım qazaq qoǧamyn dür sılkındırdı. Öner adamdary jappai abaqtyǧa jabylǧan änşıge qoldau bıldırıp jatyr. Al äleumettık jelıde Älımbekovanyŋ elbasy Nūrsūltan Nazarbaevqa jazǧan haty jariialandy. Öner iesı jalanyŋ qūrbanyna ainalǧanyn aityp, Nūrsūltan Äbışūlynan jeltoqsan aiynda araşa sūraǧan.
Hatta Älımbekova künı keşe özımen bırge sottalǧan Feruza Ordabaevaǧa aldanyp qalǧanyn aitady.
“Oralbaeva Feruza atty azamatşany 2009 jyldan berı tanityn edım. Ünemı konsertterıme kelıp jüretın, önerıme täntı jandardyŋ bırı bolǧandyqtan, keiın bır-bırımızdıŋ jiyn-toilarymyzǧa qatysyp, aralastyǧymyz arta tüstı. “Adam alasy ışınde” deidı ǧoi, qanşa uaqyt tanysam da, ol kısınıŋ anyq qandai ekenın tüsınbeppın”, – dep jazǧan Älımbekova.
Aituynşa, azamatşa Ordabaeva 2013 jyly äkımdıkte tanysy baryn aityp, memlekettık baǧdarlama arqyly Almatydaǧy “Aqkent” tūrǧyn üi keşenınen üi alyp beruge kömektesetının aitqan. Änşı 40-tyŋ bel ortasyna deiın baspanasyz jürgenın, sondyqtan da osy mümkındıktı paidalanbaq bolǧanyn jetkızgen. Ol aǧasymen bırıgıp Ordabaevaǧa 80 myŋ AQŞ dollaryn ūstatqan. Ol azdai, qanşa jyldan berı aralasyp jürgen qūrbysy Baqyt Nazarovaǧa da osyndai mümkındıktıŋ baryn aitqan. Ekeuı de kelısılgen päterge ie bolǧan. Alaida ekı jyldan keiın Ordabaevanyŋ päterdı zaŋsyz jolmen äpergenı anyqtalyp, Gauhar Älımbekova da, onyŋ qūrbysy da dalada qalǧan.
San soǧyp qalǧandardyŋ bırı Baqyt Nazarova Ordabaevany jaqsy tanymaitynyn alǧa tartyp, būl ıske Älımbekovany kınälai bastaǧan. Aqyrynda sotqa deiın barǧan.
“Asa qadırmendı Elbasy, menı tyǧyryqqa tüsırgen osy mäsele boiynşa maǧan araşa tüsuıŋızdı sūraimyn. Sızdıŋ saliqaly saiasatyŋyzdy aiaqasty etıp, jan ūşynan jalǧasqan jemqorlyqqa jol bergenderdıŋ zaŋ aldynda jauap bergenın qalaimyn. Qūqyq qorǧau organdary ädıl zaŋ aiasynda şeşım şyǧaryp, naǧyz alaiaq ädıl jazasyn alady dep ümıttenemın.
Menıŋ endıgı ümıtım – tek Sızde! Men sızge “menı qalaida aqtap alyŋyz” demeimın. Tek ıstıŋ aq-qarasyn aiyryp, ädıldıktıŋ saltanat qūruyn öz baqylauyŋyzǧa alsaŋyz bolǧany. Bükıl elge tanymal änşını eş dälelsız küdıktı dep tanuǧa, zaŋsyz qudalauǧa jol bermeseŋız eken”, – dep tüiındegen hatyn Älımbekova.
Hattyŋ tolyq nūsqasymen tömennen tanysa alasyz!
Eske sala keteiık, künı keşe Gauhar Älımbekovanyŋ alaiaqtyq üşın 6 jylǧa basch bostandyǧynan aiyryldy. Otandyq jūldyzdar ärıptesıne qoldau bıldırude.
Eske sala keteiık, künı keşe Gauhar Älımbekovanyŋ alaiaqtyq üşın 6 jylǧa basch bostandyǧynan aiyryldy. Otandyq jūldyzdar ärıptesıne qoldau bıldırude.
