"Dinara" kafesınıŋ äkımşılıgı qazaqşa mäzır sūraǧan azamattardy şettetıp, "nasist, faşist" dep aiyptady. Qazaq tıldılerge sarqynyn tögıp, tūtas qazaqty aiyptaǧan Ramil Muhoriapov Facebook pen İnstaparaǧyndaǧy keşırım sūraǧan videolaryn öşırıp tastady. "Adyrna" ūlttyq portaly qazaq tılı men alaştıldılerdıŋ şettetılgenıne qatysty belsendılergdıŋ, jurnalister men şyǧarmaşyl azamattardyŋ oi-pıkırın toptastyrdy.
Bella Orynbetova, jurnalist:
AQŞ-ta ötken ǧasyrdyŋ 60 jyldaryna deiın näsıldık segregasiia bolǧanyn bılesız ǧoi, qara näsıldıler kırmeitın kafe, düken, qoǧamdyq kölıkter boldy. Sol siiaqty qazaq tıldı tūtynuşylar kırmeuı kerek pe "Dinara" siiaqty kafelerge? Zaŋmen mūndai alalauǧa tyiym salynǧan. Barǧan belsendıler qūqyn, zaŋ talaptarynyŋ oryndaluyn talap etu üşın barǧan.Tanagöz Tolqynqyzy, aqyn:
Qazaqtar, özderıŋdı syilasaŋdar "Dinara" kafesıne mülde barmaŋdar!.. Bankrotqa ūşyrasyn! Eger elde zaŋ jūmys ıstemese, onda tek Mahatma Gandidıŋ täsılın qoldanu kerek. Ärbır qazaq tılın mensınbeitın biznes obektısı [oşaǧy, nyşany] bankrot boluy kerek.
Asan Anarbai, qoǧam belsendısı:
DINARA’daǧy janjal – jaranyŋ asqynǧanyna aiǧaq. Zaŋdy qūqyǧyn talap etken tūtynuşylarǧa «kafeden şyǧyŋdar, nasist, faşist, nasionalissıŋder, ūltaralyq tıl – orys tılı, soǧan süienemız» dep, qisynsyz uäj keltırgen. Osylaişa memlekettık tılde qyzmet alǧysy kelgen azamattardyŋ qūqyǧy öreskel būzyldy. Bes jyldan asa merzımde qazaqstandyqtardyŋ qazaqşa aqparattanu haqy aiaqasty etılgen.5 aqpandaǧy konfliktıde kafe äkımşılıgı Tılder turaly, Tūtynuşylardyŋ qūqyǧy turaly, byltyr qaŋtardyŋ basynda küşıne engen özgerıster turaly normalardy öreskel būzyp qana qoimai, tūtynuşylardyŋ jeke qadır-qasietın qorlap, auyr sözder aitty. Tıptı ūltarazdyq tudyru qylmysynyŋ sipaty baiqaldy.
Dina İmambai, jurnalist:
Ūlttyq identifikasiia jürgızılmeuınıŋ saldary osylai bolady. Älemde Qazaqstan ǧana emes, barlyq memleket köpūltty. Bıraq olar bız qūsap “köpūlttymyz” dep aiqailamaidy, memleketqūrauşy ūlttyŋ tılı men dılın basty orynǧa qoiady.
Zeinolla Salqynbaev, qoǧam belsendısı:
Osy bärınıŋ sanasyna sıŋıp qalǧan dünie, ol - "russkii iazyk mejnasionalnogo obşeniia" degen söz. Nemese, orys tılı - resmi tıl degen ūstanym. Būl ekeuı de joq zaŋda. 1995 jylǧy QR Konstitusiiaǧa deiın orys tılı ūltaralyq tıl bolǧan. Qazır, 28 jyl boldy ony alyp tastaǧaly. Qazaqstanda ūltaralyq tıl degen joq, tek memlekettık tıl degen ǧana bar. Konstitusiia boiynşa orys tılı tek qana memlekettık mekemelerde ǧana qazaq tılımen resmi türde teŋ qoldanylady delıngen. Orys tılıne "resmi" märtebe berıp jürgen özımız.
Janbota Sūltanmūratqyzy, qalamger:
"Toiǧan soŋ toqtynyŋ etı topyraq tatidynyŋ" kerı ǧoi. Mūndailarǧa älı künge deiın qazaqtyŋ nany tättı, tılı aram bop tūr. Jauapqa tartyluy kerek!Nūrbol Seiılbek, saiasattanuşy:
Ekı tarapty da tyŋdap almai jatyp, avtomatpen kelıp, kafeden şyǧyŋdar dep kötenzorlyqqa saluy artyq endı. Polisiia qyzmetkerlerıne qūqyqtyq mädeniet qajet. Memlekettık tıldıŋ märtebesın şynaiy kötermei, mūndai jaǧdai jalǧasa beredı. Sebebı, memlekettık tıl qorlanǧan jerde, memleket qūrauşy ūlt qorlana beredı.Ruza Beisenbai-tegı, qoǧam belsendısı:
Keşırmeiık qazaqtar, qanşa keşıruge bolady Qazaq elınde Qazaq tılın boldyrmaityn naǧyz nasis-faşisterdı!? Tittei bolsyn namysyŋyz bolsa, "Dinara" degen kafege aiaq attap baspaŋyzdar.
"Adyrna" ūlttyq portaly
Ūqsas jaŋalyqtar
