Şymkenttık oquşy, "auzyn aşsa, jüregı körınetın" jetkınşek Pavel anasynyŋ tüskı asqa dep bergen tiyn-tebenıne makaron satyp alyp, Türkiiada zardap şekkenderge joldady. Kışkentai jüregımen alystaǧy bauyrǧa adal qol sozǧan oquşynyŋ äreketı düiım jūrttıŋ közıne jas üiırdı, dep habarlaidy "Adyrna" ūlttyq portaly.
İgılıktı ıs jolyna tüsken jetkınşektıŋ airyqşa oqiǧasyn "Dobriaki Şymkenta" erıktıler kluby habarlady.
Klub müşelerı qaptap-jelımdei qoraptardy esep üşın videoǧa tüsırıp jatady. Kenet sary bala Pavel kırıp keledı. Sömkesınen makarondardy şyǧara bastaidy. Ol anasynyŋ tüskı asqa dep bergen aqşasyna makaron satyp alyp, Türkiiaǧa berıp jıbergısı kelgenın aitqan.
Jaqsylyq jasau jolynda oquşy sabaqtan keşıgıp qalǧan. Bır özı erıktıler kluby ornalasqan ǧimaraty äleumettık jelı arqyly tauyp barǧan. Būǧan qatysty erıktıler ūiymynyŋ ökılı:
"Mūndai alǧaş ret bolyp tūr. Jelımdeitın qoraptardy videoǧa tüsırıp, topqa jıbergım kelgen. Osy kezde ol kırıp keldı, aty Pavel eken, 4-mekteptıŋ 5 "z" synybynda oqidy. Paveldıŋ ata-anasy, mūny körıp otyrsaŋyzdar, ūldaryŋyzdy maqtan tūtyŋyzdar. Ol tüskı as ışpei, kömektesıp, qaiyrymdylyq jasaǧysy keldı. Ol anasy tüskı asqa dep bergen aqşaǧa makaron satyp alǧan. Qoimanyŋ mekenjaiyn İnstagramnan tapqan. Üiınen bızge deiın jaiau kelıptı. Bırınşı sabaqqa keşıgıp qalǧan. Oǧan mūǧalımderı ūryspaidy dep ümıttenemız", - dep jazdy.Jaqsylyqpen kögerıp, meiırımge, adamgerşılıkke qūştarlyq tanytqan jetkınşektıŋ esımı köptıŋ jadynda jazylary anyq. Balanyŋ ata-anasyna "asyl tärbienıŋ jemısı", "naǧyz tärbie" dep alǧys jaudyryp jatqandar köp. Älemdı meiırım qūtqarady.
"Adyrna" ūlttyq portaly
Ūqsas jaŋalyqtar
