"Adamdyq qaida, aǧalar?" degen saryndaǧy oquşy qyzdyŋ saualy qazaq dalasyn kezıp jürgendei. Semei qalasy, №23 mekteptıŋ 8-synyp oquşysyn avtobus jürgızuşısı men konduktor qaqaǧan suyqta jolda qaldyrdy. "Adamdyqtan bezgen aǧalardyŋ" äreketıne küllı oqyrman narazylyq tanytyp otyr. Oquşy qyzdyŋ suyqtan ūialy telefony öşıp, qas qaraiǧanda bır özı dalada qalǧan, dep jazdy "Adyrna" ūlttyq portaly.
Avtobustaǧy bezbüirekterdıŋ baiypsyz äreketı jaily jurnalist Azamat Qasym jazdy:
- Bügın Semeide mynadai jaǧdai bolypty.Qaladaǧy N23 mekteptıŋ 8-synybynda oqityn qyz sabaqtan şyǧyp, N25 marşruttaǧy avtobusqa otyrypty. Konduktorǧa myŋ teŋge berse, "zdacha joq" dep kelesı aialdamadan tüsırıp ketıptı. Baiǧūs bala ekı-üş aialdama jaiau jürıp, oǧan qosa sotkasy öşıp, äzer degende anasyna zvondapty. "Qyzym äbden toŋyp qalypty. Taksimen baryp, üige alyp keldım. Äiteuır, aman-esen ǧoi dep ündemedım" deidı qyzdyŋ anasy, - dep jazdy avtor.
Jurnalistıŋ jazuynşa, ar men adamdyq sanadan jūrdai azamat orysşa söilep, oquşynyŋ qauıpsızdıgıne de qarailamaǧan.
- Anasynan sūraǧanda aitqany: oquşy saǧat 5-ter şamasynda Pestelia köşesınen Tatkrai jaqqa barmaq bolǧan. "Konduktor orysşa söiledı, er adam" deptı qyz. Osy jaǧdaiǧa bailanysty qala äkımı Nūrbol Nūrsaǧatov N25 baǧyttaǧy avtobustyŋ konduktoryna şara qoldansa, avtobus parkı basşylyǧyna eskertu jasasa degen ötınış bar. Mūndai jaǧdai bolaşaqta qaitalanbas üşın. Jauap kütemız, - dep jazdy jurnalist.
Azamat Qasymnyŋ jantürşıktırer jazbasyna Semei qalasy äkımdıgı resmi jauap berdı. Olar:
- Sälemetsız be! №25 marşruttaǧy qoǧamdyq kölıkke"AvtoTransSeme" JŞS qyzmet körsetedı. Äkımdık tarapynan tasymaldauşy käsıporynǧa konduktorǧa qatysty şaralar qabyldau turaly habarlama jıberıldı. Qoǧamdyq kölık qyzmetkerıne qatysty qabyldanǧan şarany qosymşa habarlaimyz.
Sondai-aq, äkımşılık Kodekstıŋ 571 jäne 685-baptaryna säikes avtomobil kölıgımen jolauşylar men bagajdy tasymaldau erejelerın būzu boiynşa aiyppūl saluǧa polisiia basqarmasy qūqyly, - dep jauap jazdy.
"Adyrna" ūlttyq portaly
Ūqsas jaŋalyqtar
