Press karta alǧysy kelmegen jurnalister qalypty jūmysyn jalǧastyra beredı. Būl turaly Aqparat jäne qoǧamdyq damu ministrı Darhan Qydyrälı Qazaqstan Ūlttyq arnasyna bergen sūhbatynda aitty, dep habarlaidy “Adyrna” ūlttyq portaly.
“1999 jyldan berı bızde zaŋnama özgermegen. Ol kezde internet bolmady. Köbıne gazet-jurnaldar boldy. Sondyqtan qazır zaman talaby boiynşa jaŋa zaŋnamaǧa qajettılık tuyndap otyrǧany belgılı. Bırınşı, aqparattyq doktrina. Ony keşe ǧana Ükımet qaulysymen bekıtılıp, Prezident Äkımşılıgıne ūsynyldy. Aqparattyq doktrina bızdegı negızgı ūǧymdardy aiqyndaidy. Mysaly, söz bostandyǧy, jurnalistıŋ märtebesı, aqparattyq immunitettı arttyru, aqparattyq qauıpsızdıkke qarsy tūru jäne t.b. Osyndai basty qaǧidattardy anyqtaityn ūǧymdar doktrinada toptastyrylǧan”, - dep atap öttı ol.Sözınşe, ol bırneşe uaqyt boiy aşyq portalda tūrǧan. Oǧan qatysty aitylǧan ärtürlı pıkırlerdıŋ negızgılerı eskerılgen. Sondai-aq ol ministrlıktıŋ basqa da zaŋdaryna negız bolatyn tūǧyr.
“Ekınşı, mass media turaly. Ol jaiynda köptegen pıkır aitylyp jatqanyn bılemız. Būl qalypty jaǧdai. Öitkenı ol būǧan deiın de talqylanǧan jäne alda Mäjılıske deiın taǧy talqylanady”, - dep atap öttı ministr.Darhan Qydyrälı press karta ainalasynda köterılgen mäselenı de tüsındırıp öttı.
“Press karta - ol jaqynda ǧana engızılgen täjıribe emes, ol köptegen elde bar. Universitettı bıtırgen jurnalist jūmysyn atqara beredı. Press karta ol jurnalistıŋ qūqyqtyq märtebesın aiqyndaidy. Oǧan artyqşylyqtar beredı. Bır jaǧynan ol stimul, yntalandyru. Sol arqyly mysaly, jeŋıldıkpen päter alu, äleumettık kömek alu nemese aqparatqa tez qol jetkızu mäselelerınde köptegen artyqşylyqqa ie bolady. Press karta alǧysy kelmegen jurnalister qalypty jūmysyn jalǧastyra beredı”, - dep tüsındırdı Aqparat ministrı sūhbatta.Ol osy mäsele boiynşa jurnalisterdıŋ sūraqtaryna jauap beruge daiyn ekenın jetkızdı.
Ūqsas jaŋalyqtar
