Qaraǵandylyq sportshylar Davıd Efremov, Vıacheslav Zems, Adelına Zems jáne Krıstına Kondrashova jeńil atletıkadan jabyq ǵımarattarda ótken 10-shy Azııa chempıonatynda óner kórsetip, Qazaqstan quramasynyń qorjynyna altyn ákeldi. Bul týraly Qaraǵandy oblysy ákimdiginiń baspasóz qyzmeti habarlady, dep jazady “Adyrna” ulttyq portaly.
Qurlyqtyq birinshilik alǵash ret Qazaqstanda ótti. Astanaǵa 30 elden 500-den astam sportshy jınaldy.
Jarystyń úsh kúniniń qorytyndysy boıynsha Qazaqstan quramasy 12 medal jeńip aldy – alty altyn, úsh kúmis jáne úsh qola. Tórt qaraǵandylyq sportshy Azııa chempıony atandy.
Olardyń qatarynda kedergilermen 60 metrge júgirýde altyn alǵan Efremov Devıd bar.
Mıhaıl Lıtvın, Elnor Mýhıtdınov jáne Andreı Sokolovpen birge Qazaqstanǵa 4×400 metrlik estafetada jeńis ákelgen Vıacheslav Zems. Bul kvartet eldiń jańa rekordyn ornatty.
Sol estafetada tek áıelder arasynda birinshi bolyp qaraǵandylyq Adelına Zems pen Krıstına Kondrashova shyqty.
Qazaqstan quramasynyń sportshylary 2023 jylǵy Azııa birinshiliginiń medaldyq esebinde ekinshi oryn aldy. Birinshi bolyp Japonııa ókilderi – 15 medal (alty altyn, bes kúmis, tórt qola). Úzdik úshtikti Katar komandasy qorytyndylady – segiz medal (eki altyn, tórt kúmis jáne eki qola).
”Adyrna” ulttyq portaly
