Búgin «Alataý» dástúrli óner teatryna QR Parlamenti májilisiniń depýtaty Darhan Qamzabekuly Myńbaı keldi. Almaty qalasy, Alataý aýdandyq "Nur Otan" partııasy fılıaly men "Alataý" dástúrli óner teatryndaǵy «Mádenıet» partııalyq bastaýysh uıymynyń bastamasymen kelgen halyq qalaýlysyna dırektordyń shyǵarmashylyq máseleler jónindegi orynbasary Azamat Aqan, bas rejıser Juldyzbek Jumanbaı, kórkemdik jetekshi Dına Obaevalar Teatrdyń búgingi tynys-tirshiligi jóninde baıandap, aldaǵy josparlarmen bólisti.
«2018 jyly teatrymyzda folklorlyq-etnografııalyq ansambli, bıshiler toby, akterlar trýppasy quryldy. Osylardyń báriniń basyn sahnalyq qoıylymdarda qosa otyryp dástúrli ónerimizdiń sıntezdelgen úlgisin kórermenderimizge usynǵymyz keledi. Ótken jyly alǵash bolyp TÚRKSOI halyqaralyq uıymymen birlesip túrkitildes halyqtardyń «Alataý alabynda» atty dástúrli óner festıvalin ótkizdik. Tyrnaqaldy týyndymyz jyr alyby Jambyldyń ómiriniń keıbir tustaryn sýretteıtin «Jyr-jolbarys» qoıylymy da kórermen tarapynan joǵary baǵalandy», - dedi teatrdyń bas rejısery Juldyzbek Jumanbaı.
Darhan Qamzabekuly da «Jyr-jolbarys» qoıylymy halyqtyń ystyq yqylasyna bólenip jatqanyn estip, bilip otyrǵanyn, bolashaqta osyndaı ulttyq naqyshtaǵy qoıylymdarǵa kóbirek mán berý kerektigin basa aıtty.
Teatrdyń basty maqsaty jáne basqa teatrlardan ereksheligi dástúr men ulttyq ónerdi dáriptep, óz kórermenimizdi qalyptastyrý. Bıylǵy jyl jastar jyly bolǵandyqtan qalamyzdaǵy iri oqý oryndarynyń stýdentteri arasynda dástúrli óner festıvalin ótkizbekpiz. Sonymen qosa «Qyz Jibek» syndy jyr-dastandarymyzdy jańa formatta sahynalasaq degen oılarymyz bar. «Qymyzhana» ataýymen shaǵyn aýdıtorııaǵa arnalǵan dástúrli án, jyr, kúıshilik ónerlerdiń ár mektebiniń ókilderin qatystyra otyryp lekııa konert túrindegi tanymdyq dúnıelerdi iske asyrsaq dep josparlap otyrmyz. Jasóspirim kórermenderimizge arnalǵan da jobalarymyz bar. Oǵan Teatrymyzdyń barlyq múmkindikteri jetedi», - dep atap ótti Juldyzbek Jumanbaı.
Teatr ujymymen kezdesý barysynda Darhan Qamzabekuly «Alataý» dástúrli óner teatry dástúrdi dáripteıtin elimizdegi biregeı óner oshaǵy ekenine toqtaldy. Basshylaryńyz óner men ǵylymdy teń ustaǵan azamat. Shyǵarmashylyq jaǵyndaǵy jetekshilerińiz bar barlyǵy kásibı mamandar. Qarap otyrsam ujymdaryńyzǵa kileń jastar jınalǵan eken. Sizderdi biriktirip otyrǵan ortaq ıdeıa – dástúrli ónerge degen qushtarlyq dep oılaımyn. Bıylǵy jastar jylynda «bizge ne aıtsa, sony jasaımyz» dep qarap otyrmaı, ózderińiz ıdeıa usynyp, iske asyryńyzdar. Elbasymyzdyń ózi basa kóńil bólip otyrǵan ulttyq qundylyqtarymyzdy álemge tanytatyn sizdersizder. Aldaǵy jumystaryńyzǵa tabys tileımin», - dep, Teatrdyń atqaryp jatqan jumystaryna rızashylyǵyn jetkizdi.
«Alataý» dástúrli óner teatrynyń baspasóz qyzmeti
