Qazaq sport jäne turizm akademiiasynyŋ rektory qysqy Universiadada altynnan alqa taqqan Danil Vasilevke bılım grantyn tapsyrdy, dep jazady “Adyrna” ūlttyq portaly.
Şaŋǧymen tūǧyrdan sekıruşı Danil Vasilev ortaşa tarmplinde eŋ üzdık nätije körsetıp, qysqy Universiada Oiyndarynyŋ jeŋımpazy atandy. Danil - Qazaq sport jäne turizm akademiiasynyŋ Olimpiadalyq sport fakultetınıŋ 1-kurs studentı. AQŞ-tyŋ Leik-Plesid qalasynda ötken dübırlı dodada el namysyn qorǧaǧan student-sportşy Danil Vasilevke ülken sporttaǧy üzdık jetıstıgı üşın Qazaq sport jäne turizm akademiiasynyŋ rektory Bauyrjan Zakirianov bılım grantyn tapsyrdy.
Danil sportpen 8 jasynan şūǧyldanyp keledı. Kışkentaiynan bar armany – älemdık jarystarda top jaru. «Būl jetıstıkpen toqtap qalmaimyn. Alda qysqy Olimpiada şyŋyn baǧyndyryp, elımnıŋ daŋqyn köteru» deidı chempion Danil.
Sondai-aq 2023 jylǧy Düniejüzılık Universiada jüldeger qatarynan körınbese de, tamaşa nätije körsetıp, 4-5 orynnan körıngen student-sportşylar M.Amangeldıūly, A.Äli, A.Kriukova, V.Şişkinaǧa Qazaq sport jäne turizm akademiiasy 2022-2023 jylǧy oqu aqylaryna 100 paiyzdyq jeŋıldık sertifikatyn tabys ettı.
Aita keteiık, 2023 jylǧy Bükılälemdık Universiadada qazaqstandyq student-sportşylar 3 altyn, 4 kümıs jäne 4 qola medalmen 11 orynǧa tūraqtady. Būl – joǧary körsetkış. Qorjynǧa tüsken üş alttynyŋ ekeuı – Qazaq sport jäne turizm akademiiasynyŋ student-sportşylaryna tiesılı. (Biatlon jarysy boiynşa 15 şaqyrym qaşyqtyqta jekelei synǧa tüsken Qazaq sport jäne turizm akademiiasynyŋ 2 kurs studentı Vadim Kurales altynnan alqa taqty. )
“Adyrna” ūlttyq portaly
