Nazarbaev äuletınıŋ aktivterı memleketke qaitarylyp jatyr. Būl turaly Dalainside Telegram arnasy jariialady, dep habarlaidy “Adyrna” ūlttyq portaly.
Mälımet boiynşa, qarjy monitoring agenttıgı Dariǧa Nazarbaevanyŋ Qazaqstan - Qytai şekarasyndaǧy biznes shemasyna tergeu jürgızude. Sebebı qytai men qazaq şekarasyndaǧy "Nūrly jol" beketıne qarasty ūzyndyǧy 3 km joldy Nazarbaevanyŋ Eurotransit Nur Zholy kompaniiasy paida közıne ainaldyrǧan.
Qazaq şekarasynan ötkesın saudagerler neitraldy aumaqta ornalasqan sauda ortalyǧyna baryp, özderıne keregın satyp alady. Sodan soŋ jük pen jolauşyny joǧaryda aitqan Eurotransit Nur Zholy-nyŋ kölıkterı şekara maŋyna deiın jetkızedı. Şekaraǧa deiıngı jol ūzaqtyǧy nebärı üş-aq şaqyrym. Al jolauşylar osy üş şaqyrymdy jürıp ötu üşın kompaniianyŋ logistika qyzmetıne jügınıp, qomaqty aqşa töleuge mäjbür bolǧan.
Jük jäne jolauşy tasymaldau ısımen ainalysatyn özge kompaniialardy būl jerge jolatpaǧan. Osylaişa Eurotransit Nur Zholy kompaniiasy Qorǧastaǧy jeke-dara monopoliske ainalǧan.
Nazarbaevaǧa tiesılı "Nūrly jol" beketın saluǧa "Euraziia bankınen" 100 mln dollar bölıngen. Qarjy monitoringı agenttıgı osyǧan deiın kompaniia Qytai Halyq Respublikasynyŋ beitarap aumaǧynan Qazaqstan Respublikasyna jük tasymaldauşy jalǧyz operator bola tūra, atalǧan qyzmetke baǧany zaŋsyz ösırgenın mälımdegen edı.
Būl kompaniia monopolistık qyzmetten 4,2 mlrd teŋge tabys tapqan. Tergeu barysynda Eurotransit Nur Zholy JŞS kınänı tolyǧymen moiyndady. Sondai-aq qūny 5,3 mlrd teŋgeden asatyn JŞS aktivterın (aumaǧynda kölık-logistikalyq ūiym ornalasqan 3,6 ga jer telımı) memleketke beru turaly ötınış jazǧan.
Ūqsas jaŋalyqtar
