QR Mäjılısınıŋ būrynǧy deputaty ärı Atyrau oblysy äkımınıŋ būrynǧy orynbasary, oiy jüirık, sözı sūlu būrynǧy memlekettık qyzmetker Baqytgül Hamenovanyŋ apelliasiialyq şaǧymyn sot qarastyrdy. 21 aqpan küngı mälımet boiynşa, sot ükımı özgerıssız qaldy. Qanaǧattandyrylǧan joq. Al özge sottalǧandardyŋ jazasy jeŋıldetıldı, dep habarlaidy "Adyrna" ūlttyq portaly.
Būǧan deiın sot Baqytgül Hamenovany bala 14 jasqa tolǧanǧa deiın şartty türde bas bostandyǧynan aiyru jazasyna kesıp, sot zalynda qamaudan bosatqan bolatyn. Atyrau oblysy äkımınıŋ būrynǧy orynbasary aldyn ala kelısım boiynşa bır top adamnan para aldy degen aiyp taǧyldy.
Sot alqasy būrynǧy mäjılıs deputatyna qatysty ükımdı özgerıssız qaldyrdy, onyŋ jazasyn jeŋıldetuge qatysty negızdı qarastyrmady.
Alaida, osy ıs boiynşa aiyp arqalaǧandardyŋ ışınde "baǧy janǧandar" da bar. Däl osy ıs boiynşa kınälı dep tanylǧan oblystyq mädeniet basqarmasynyŋ būrynǧy basşysy Aqylbek Rysqaliev jetı jyldan ekı jylǧa deiın, al «Balqytu» JŞS direktory Ömırtai Adamov tört jyldan 1,6 jylǧa deiın bas bostandyǧynan aiyryldy.
Barlyq sottalǧandar ömır boiyna memlekettık qyzmette lauazymdardy atqaru qūqyǧynan aiyrylady. Zaŋger İgor Vranchev apelliasiialyq alqanyŋ şeşımıne şaǧym jasalatynyn aitty.
Daudyŋ bastauyna üŋıle keteiık, 2021 jyldyŋ jeltoqsanynda Atyrau oblysy äkımınıŋ orynbasary qyzmetın atqarǧan Baqytgül Hamenova jäne töŋıregındegı bırneşe qyzmetken Ūly Abai eskertkışın ornatuǧa bölıngen qarajatqa qol saldy degen küdıkpen ūstalǧan bolatyn.
"Adyrna" ūlttyq portaly
Ūqsas jaŋalyqtar
jemqorlyq
qarjy
para
memleket qarjysy
Baqytgül Hamenovanyŋ apelliasiialyq şaǧymy qanaǧattandyrylǧan joq
QR Mäjılısınıŋ būrynǧy deputaty
Atyrau oblysy äkımınıŋ būrynǧy orynbasary
abai esketkışı
