Pavlodarda eki mektep dırektorynyń buryn isti bolǵany anyqtaldy. Ekeýi de jumystan shyǵaryldy. Bul týraly sybaılas jemqorolyqqa qarsy is-qımyl agenttiginiń oblystyq departamentiniń basshysy mindetin atqarýshy Ardaq Balǵojın málimdedi.
Resmı málimetke sáıkes, dırektordyń bireýi Aqquly aýdanynda B.Ýhatov atyndaǵy orta mektepti basqarsa, ekinshisi Qyzyltań aýdandaǵy Tereńkól mektebine jetekshilik etken.
"Birinshi dırektor QazSSR Qylmystyq kodeksiniń 93-baby ("Jábirlenýshiniń ólimine ákelip soqqan qasaqana aýyr jaraqat salý nemese qylmysty aýyrlatatyn jaǵdaıda jasalǵan áreket") boıynsha sottalǵan bolatyn. Al ekinshi mektep basshysy jemqoryq qylmysy úshin isti bolǵan", - dedi Balǵojın aımaqtyq kommýnıkaııalar qyzmetinde ótken brıfıngte.
Onyń aıtýynsha, Eńbek kodeksiniń 26-baby boıynsha sotty bolǵan jáne qylmystyq qýdalaýda júrgen adamdardy bilim berý, kámelettik jasqa tolmaǵandardy tárbıeleý men damytý uıymdaryna jumysqa qabyldaýǵa tyıym salynǵan. Dál osy bapqa sáıkes, jemqorlyq qylmysyn jasaǵan tulaǵalarǵa da ondaı mekemelerde qyzmet etýge ruqsat etilmeıdi.
Taldaý jumystarynyń nátıjesinde bilim basqarmasyna eki laýazymdy tulǵaǵa qatysty shara qoldanýǵa usynys jasaldy. Ekeýi de jumystan bosatyldy.
