Bügın būqaralyq aqparat qūraldarynyŋ ökılderı «AMANAT» partiiasy respublikalyq sailaualdy ştabynyŋ jūmysymen tanysty

Bügın būqaralyq aqparat qūraldarynyŋ ökılderı «AMANAT» partiiasy respublikalyq sailaualdy ştabynyŋ jūmysymen tanysty. Jurnalister üşın ūiymdastyrylǧan press-tur barysynda «AMANAT» partiiasynyŋ Atqaruşy hatşysy Elnūr Beisenbaev BAQ ökılderın kandidattardyŋ ügıt-nasihat jäne üilestıru ortalyqtarynyŋ, qoǧamdyq qabyldau bölmesınıŋ, media-ştabtyŋ, kovorking alaŋynyŋ, sondai-aq ştabtaǧy jastar sektorynyŋ jūmysymen tanystyrdy, dep habarlaidy “Adyrna” ūlttyq portaly. Tarqata aitsaq, sailaualdy ştab «open space» qaǧidaty boiynşa ūiymdastyrylǧan. Iаǧni, būl ştab – köpfunksiialy sailau nauqanyn basqaru ortalyǧy. Onyŋ qūramynda kandidattardyŋ ügıt-nasihat jäne üilestıru ortalyqtary, qoǧamdyq qabyldau bölmesı, sailauşylarmen kezdesuler ötetın kovorking ortalyǧy, ügıt-nasihat üşın kontent tüsıru mümkındıgıne ie bırneşe lokasiialy baspasöz alaŋy, media-ştab, baqylauşylar men senımdı tūlǧalardy oqytu ortalyǧy bar, sondai-aq jastar sektory jūmys ısteidı.

«Ştabtyŋ negızgı qyzmetı – jūmysymyzdyŋ dūrys jüruın qamtamasyz etu. Būl ştabtyŋ jaŋalyǧy retınde kündelıktı türde jaŋa formattaǧy 4-5 kezdesu, oqytu sabaqtary ötıp tūratynyn aituǧa bolady. Ştab 24/7 rejimınde qyzmet etedı. Öŋırdegı ärbır ştab osy formatta jūmys ısteidı. Är bölım bırlesıp jäne jedel türde belgılı bır şeşımder qabyldaidy. Mūnda kandidattar men senımdı ökılderdıŋ qatysuymen kündelıktı türlı ıs-şaralar, arnaiy oqytular ötkızıledı», - dep atap öttı Elnūr Beisenbaev.

Sailaualdy ştabtyŋ baspasöz ortalyǧynda respublikalyq jäne öŋırlık deŋgeidegı barlyq aqparattyq jūmys ortalyqtandyrylǧan. Sailaudaǧy maŋyzdy baǧyt – aqparattyq jūmys ekendıgın eskersek, atqarylǧan şaruadan aqparattandyryp, jüzege asqan bastamalardy körsetu, qoǧamǧa jetkızu – asa maŋyzdy. Sondyqtan 17 oblystyq jäne 3 qalalyq media-jospar men 1 respublikalyq media jospar äzırlengen. Onda är künnıŋ kestesı bekıtılgen. Būl aqparattyq jūmys osy media-ştab ortalyǧynda jüzege asyrylady. Sailaualdy ştabtyŋ jastar sektorynyŋ da jūmysy auqymdy. Ol jerde belsendı jaqtastardyŋ qatysuymen kezdesuler ötedı. Onda sailaualdy baǧdarlamasyn halyqqa jastardyŋ tılımen jetkızu üşın äleumettık jelıde kreativtı ideialardy toptastyru jūmystary jüzege asyryluda.

Press-tur barysynda partiianyŋ sailaualdy saity da tanystyryldy. «Qazır sait sailaualdy ştabqa qatysty jasaqtaldy. Halyqpen bırge jazylǧan baǧdarlama 10 baǧyttan tūrady. Būl baǧdarlamany äzırleude prezidenttık sailaudyŋ qorytyndysy boiynşa tüsken 56 myŋnan astam ūsynys ta eskerıldı. Oǧan qosa, referendumda jinalǧan ūsynys bar. Bır jyldyŋ ışınde qoǧamdyq qabyldau 134 myŋnan astam azamatty qabyldady. Osy ūsynys-tılekterdıŋ barlyǧyn qamtuǧa tyrystyq. Baǧdarlamanyŋ taǧy bır erekşelıgı - onyŋ qorytyndysy boiynşa arnaiy jol kartasy äzırlendı. Qazırdıŋ özınde onda 300-den astam punkt bar. 20 öŋırde jol kartasy daiarlandy», - dedı Elnūr Beisenbaev.

Kezdesu qorytyndysynda BAQ ökılderı üşın brifing ötkızıldı. Onyŋ barysynda «AMANAT» Atqaruşy hatşysy Elnūr Beisenbaev jurnalisterdıŋ sūraqtaryna jauap berdı. Elnūr Beisenbaevtyŋ aituynşa, el aumaǧynda barlyq öŋırde audan, oblys jäne respublikalyq deŋgeide sailaualdy ştabtar jūmys ıstep jatyr. 226 öŋırlık jäne aumaqtyq sailaualdy ştabtarynyŋ jūmysyna 7,5 myŋǧa juyq adam jūmyldyrylǧan. Sailau nauqany bastalǧannan berı el aumaǧynda 3 myŋnan astam ıs-şara öttı. Ügıt-nasihat nauqanynyŋ qorytyndysy boiynşa 1 mln. astam adamnyŋ qatysuymen 30 myŋ ıs-şara ötkızu josparlanuda. Aita keterlıgı, ştab qūramyna partiianyŋ 486 belsendı jaqtastary kırdı. Sailauşylarmen kezdesu kestesı daiyndaldy. Sondai-aq, būl jūmysqa ümıtkerlerdıŋ 27 myŋnan astam senımdı ökılderı de tartyldy. Esterıŋızge sala ketsek, «AMANAT» partiiasy atynan Mäjılıske 119 kandidat ūsynylyp otyr. Onyŋ ışınde partiialyq tızım boiynşa 90 adam, bırmandattyq sailau okrugterınen 29 adam ūsynylyp otyr.