Tájikstanda Shyńjań-Uıǵyr avtonomdy aýdanymen shekaralas aýmaqta, Qytaıdyń soltústik-batysynda 7,3 balldyq jer silkinisi boldy. Bul týraly RIA Novostı habarlady, dep jazady "Adyrna" ulttyq portaly
Qytaı seısmologııa ortalyǵynyń habarlaýynsha, jerasty dúmpýi saǵat 08:37-de (Astana ýaqytymen 06:37-de) bolǵan. Jer silkinisiniń oshaǵy 10 shaqyrym tereńdikte bolǵan, al onyń epıentri Qytaımen shekaradan shamamen 82 shaqyrym jerde ornalasqan.
QR Tótenshe jaǵdaılar mınıstrliginiń málimetinshe, Almaty qalasynda da 2-3 balldyq jer silkinisi sezilgen. Sondaı-aq Ózbekstan astanasy Tashkentte magnıtýdasy 3-4 balldyq jer silkinisi bolǵany belgili boldy.
Turǵyndar arasynda zardap shekkender men qulaǵan ǵımarattar jaıly aqparat ázirge kelip túspedi.
"Adyrna" ulttyq portaly
