Türkıstan oblysy, Jetısai audanynda baqandai bes mekteptıŋ oquşylary qys boiy qabyrǧasyna mūz qatqan suyq mektepte dırdektep, amalsyz sabaq oquǧa mäjbür bolǧan. Sebebı qarajat bölınbei, būl bılım beru nysandary kömırsız qalǧan, dep habarlaidy "Adyrna" ūlttyq portaly.
Prokuratura bılım bölımınıŋ bylyqtaryn tekserıp, mektepterge kömır qarajat bölınbegenın anyqtady, dep jazady otyrar.kz. Saldarynan myŋdaǧan oquşy suyq synyptarda sabaq oquǧa mäjbür.
Jeltoqsan jäne qaŋtar ailarynda oquşylar uaqytşa basqa mektepterge auystyrylypty. Jyludy qamtamasyz etuge jauapty adamdar jospar boiynşa mektep gazben jylytyluy kerektıgın jetkızdı. Alaida, qūjattar uaqytyly daiyndalmaǧandyqtan, oqu orny bılım beru mausymy bastalǧanda gazsyz da, kömırsız de qalǧan.
Būǧan qatysty jauapty mamandar jauap berdı:
- "Jetısai audandyq adami äleuettı damytu bölımınıŋ qyzmetkerlerı, ekonomister men buhgalterler tärtıptık jauapkerşılıkke tartyldy. Qazırgı uaqytta barlyq kemşılıkter joiyldy, bügınde barlyq bes mektep qatty otynmen tolyqtai qamtamasyz etıldı", - dedı Jetısai audany prokurorynyŋ orynbasary Rysbek Ernazarov.Künnıŋ kürt suuyna bailanysty öŋır mektepterınde kömır qory tez tausyla bastaǧan. Qūqyq qorǧau organdary arnaiy aralasyp, kıltimannyŋ şeşımın tabuǧa, jaǧdaidy tūraqtandyruǧa mūryndyq boldy.
"Adyrna" ūlttyq portaly
Ūqsas jaŋalyqtar
