Oralda 47 jastaǵy er adam zeınetker ájeıdi tonap ketti. Kúdikti 77-degi turǵyndy tonamas buryn basynan uryp qulatqan. Bul týraly BQO polıııa departamentiniń baspasóz qyzmeti málimdedi, dep habarlaıdy “Adyrna” ulttyq portaly.
Vedomstvo málimetinshe, zeınetker saýda úıindegi aqsha aıyrbastaý pýnktine kelip, aqshasyn aıyrbastamaq bolǵan. Elektrondy tabloǵa qarap, valıýta baǵamyna úńilgen ol aqshasyn keıinirek aıyrbastaımyn dep sheshim qabyldaǵan.
Ájeıdi baıqap qalǵan beıtanys er adam onyń artynan ilesip, ańdyp kelgen. Úıine deıin jetip, podezdiń aldyna kele bergende basynan uryp qulatyp, qolyndaǵy paketin tartyp alyp ketken.
Paket ishinde azyq-túlik pen aıyrbastamaqshy bolǵan 200 myń teńge kólemindegi aqsha salynǵan ámııan bolǵan.
Polıııa qyzmetkerleri júrgizgen jedel-izdestirý is-sharalary nátıjesinde kúdikti ustaldy. Ol urlanǵan aqshany jaratyp úlgeripti.
Atalǵan fakti boıynsha Qylmystyq kodekstiń 191-baby 2-bóligine (Tonaý) sáıkes sotqa deıingi tergeý amaldary júrgizilýde. Ustalǵan azamat ýaqytsha ustaý ızolıatoryna qamaýǵa alyndy.
