Búgin, 7 aqpanda prezıdent Nursultan Nazarbaevtyń Konstıtýııanyń 42-baby 3-tarmaǵyn resmı túsindirý týraly ótinishi boıynsha Konstıtýııalyq Keńestiń otyrysy ótti. Bul týraly vedomstvonyń baspasóz qyzmetine silteme jasaǵan NUR.KZ habarlaıdy.
Al búgingi otyrysta Konstıtýııalyq Keńestiń tóraǵasy Qaırat Mámı Keńestiń negizgi zańǵa, shet el konstıtýııalaryna jan-jaqty taldaýdy jáne osy taqyryp boıynsha ǵylymı zertteýlerdiń nátıjelerin talap etetin óte mańyzdy másele bolǵanyn atap ótti.
Keńes quramy úkimet ókilderiniń, senattyń, parlament májilisiniń, Joǵarǵy Sottyń, Bas prokýratýranyń jáne Ádilet mınıstrliginiń pikirlerin tyńdady.
Sarapshylar retinde elimizdiń belgili quqyqtanýshy ǵalymdary, zań ǵylymdarynyń doktory, professorlary óz qorytyndylaryn usyndy:
-Amandyqova Sáýle Kóshkenqyzy, L.N.Gýmılev atynaǵy Eýrazııa ulttyq ýnıversıteti Zań fakýltetiniń dekany;
-Ýdarev Sergeı Fedorovıch, QazGZÝ Quqyqtyq saıasat, Konstıtýııalyq zańnama jáne memlekettik basqarý máseleleri boıynsha ǵylymı-zertteý jobalarynyń jetekshisi;
-Kóbeev Erkin Qınaıatuly, Quqyqtyq zertteýler jáne memlekettaný ınstıtýtynyń dırektory;
Otyrys qatysýshylarynyń talqylaýy men jaýaptarynan soń Konstıtýııalyq Keńes quramy keńesýge ketti.
Buǵan deıin keńes Elbasynyń úndeýin qarastyratyny belgili bolǵan. Qazaqstan Prezıdentiniń suraǵyna obektıvti jáne jan-jaqty jaýap berý úshin ǵalymdardy tartylmaq.
Al birneshe kún buryn Nursultan Nazarbaev óziniń úndeýine túsinikteme bergen edi. Memleket basshysynyń aıtýynsha, ol ár túrli nıýanstar boıynsha Keńesten 20 retten astam túsinikteme suraǵan.
Al elbasy merziminen buryn saılaý múmkindigine qatysty suraqtar týyndasa, Konstıtýııany oqý qajettigin, onda barlyq úderister men merzimder jazylǵanyn aıtty.
