Bügınnen bastap jeke tūlǧalardyŋ bankrottyǧy boiynşa ötınışter qabyldau bastalady, dep habarlaidy «Adyrna» tılşısı.
Ötınıştı egov.kz saitynda jäne eGov Mobile men e-Salyq Azamat mobildı qosymşalary men Halyqqa qyzmet körsetu ortalyqtarynda beruge bolady. Ol 14 kün ışınde qaralyp, jauaby sms habarlama türınde keledı.
Sottan tys bankrot bolu qyzmetıne bank, mikroqarjylyq jäne kollektorlyq ūiymdarǧa qaryzy bar adamdar jügıne alady.
Sotqa aryzdanbai, bankrot boludyŋ şarttary: bereşek 1 600 AEK-ten aspauy kerek, biyl onyŋ mölşerı 5 mln 520 myŋ teŋge; qaryz 12 ai boiy tölenbeuge tiıs; mülık, onyŋ ışınde ortaq menşıktegı mülıgı bolmauy şart; bankpen qaryz boiynşa retteu jūmystary jürgızılgen boluy kerek.Sondai-aq alty ai boiy atauly äleumettık kömek alǧan azamat ta sottan tys bankrottyqqa jügıne alady.
