Jahandanu zamanynda qazaqtyŋ otbasylyq qūndylyqtaryn saqtauy öte maŋyzdy. Alaida soŋǧy jyldary otbasy qūndylyǧyna jürdım-bardym qaraityn boldyq. Al būl mäselenı şeşudıŋ joly bar ma?
Respublikalyq «Qara şaŋyraq» qoǧamdyq bırlestıgınıŋ töraiymy Tūrar Sättarqyzynyŋ aituynşa, bügıngı taŋda şyǧyp jatqan problemanyŋ bärı otbasyndaǧy täribeden şyǧyp jatyr. Al osy bır otbasy qūndylyǧynyŋ älsıregenınen keiın qarttar qarausyz qalyp jatqan körınedı.
«Mysaly elımızde jyldan jylǧa qarttar üiı köbeiıp kele jatyr. Memleketık qarttar üiınen bölek, jeke menşık qyzmet körsetetın ūiymdar da paida bola bastady. Mūnyŋ bärı ainalyp kelgende ūlttyq qūndylyqarymyzdyŋ kerı ketıp bara jatqanynan dep bılemın. Negızı memleket tarapynan jas ūrpaqtyŋ tärbiesıne nazar audaratyn kez kelıp jettı. Al bız mysqyldap kırgen auru jazylyp ketetın sekıldı körıp otyrmyz. Alaida ūlttyq tärbiege män bermesek, otbasy qūndylyǧyn tüsınetın jastardyŋ sany azaia beredı. Elımızde otbasy qūndylyǧyn qalyptastyrumen ainalysatyn är türlı ūiymdar men keŋester jūmys ısteidı. Ökınışke qarai olardyŋ jūmysy közge körınıp jatqan joq. Türlı ıs-şaralar ötedı. Bıraq onda Zeinep Ahmetova, Orazkül Asanǧazy, Säule Meşıtbaiqyzy sekıldı analarymyzdy şaqyryp, olardyŋ ǧibratty äŋgımelerın tyŋdauǧa bolady ǧoi», – deidı bırlestık jetekşısı.Tūrar Sättarqyzy otbasy qūndylyǧyna otbasy, oşaq qasyndaǧy mäsele dep qarauǧa bolmaitynyn aitady. Naqtyraq aitsaq ol otbasy qūndylyǧyna memlekettık deŋgeide män beretın kez keldı degen pıkırde.
«Juyrda Memleket basşysy Qasym-Jomart Toqaev aqsaqaldar alqasyn qūru kerek dep bastama köterdı. Būl şyn mänınde öte keremet bastama. Öitkenı qazırgı zamanda aqsaqaldarymyzdyŋ qadırı ketıp qaldy. Aşyǧyn aitsaq qazynamyz sanalatyn qarttarymyzdy tiıstı deŋgeide qadırlei almai jürmız. Menıŋ oiymşa, aqsaqaldar alqasy jäne äjeler alqasy sekıldı ūiymdar prezidenttıŋ janynan qūryluy kerek. Alaida aqsaqaldar alqasyna deputattyqqa ūmtylyp jatqan adamdardy tartudyŋ qajetı joq. El arasynda älı de bolsa, özınıŋ qasietın saqtaǧan aqsaqaldarymyz bar. Mıne osy aqsaqaldardyŋ basyn bırıktırıp, qazaqtyŋ ūlttyq salt-düstürı men qūndylyǧyn därıpteuge bolady. Aqsaqaldar alqasy qūrylyp, ūlttyq baǧytta jūmys ıstegen jaǧdaida ǧana bız öz balalarymyzdy otanşyl etıp tärbielei alamyz», – deidı ol.
