11 naýryzda Parlament Májilisi depýtattyǵyna majorıtarlyq júıe boıynsha kandıdat Kalenova Aksana men máslıhat depýtattyǵyna úmitker Anjela Gornostaeva Óskemendegi «Jan Ana» qoǵamdyq qorynyń múshelerimen kezdesti.
Onda spıkerler kópbalaly analarǵa Halyq partııasynyń saılaýaldy baǵdarlamasyn tanystyrdy.
Qazir elimizdegi barlyq aımaqtyń halqyn tolǵandyrǵan áleýmettik salada máseleler kóp. Atap aıtar bolsaq, turǵyndar turǵyn úıge qol jetkize almaı keledi. Medıına men zeınetaqy salasy da syn kótermeıdi.
– Halyq partııasy 1-3 bala tárbıelep otyrǵan analar úshin – qoljetimdi baspana, al kópbalaly analarǵa – tegin baspanamen qamtýdy talap etedi, – dedi Aksana Kalenova.
Halyq partııasy balalarǵa laıyqty járdemaqy berilý kerek degen pikirde. Osy oraıda partııa 1 balaǵa eń tómengi jalaqy ıaǵnı, 70 myń teńge mólsherinde járdemaqy taǵaıyndaýdy talap etedi. Mysaly, 4 balaǵa beriletin járdemaqy 280 myń teńgeni quraıdy.
Osy rette sóz alǵan partııa ókili Anjela Gornostaeva áleýmettik reforomalardy júzege asyrý úshin eń aldymen saıası ózgerister kerek ekenin tilge tıek etti.
– Bizdiń partııa eń birinshi kezekte qarapaıym halyqtyń tilegin túsinetin Halyqtyq úkimet qurý qajet dep esepteıdi. Bizdiń maqsatymyz – halyqtyń bıligi men baılyǵy qazaqstandyqtarǵa tıesili ádiletti qoǵam qurý, – dedi ol.
Kezdesý barysynda kópbalaly analar ózderin tolǵandyrǵan ózge de saýaldardy joldap, tushymdy jaýaptar aldy.
"Adyrna" ulttyq portaly
