Aldymen osy jazbam arqyly barlyq qoldauşyma raqmet aitqym keledı.
Özımnıŋ konstitusiialyq qūqyǧymdy paidalanyp, bılım men täjıribeme süienıp äkım boluǧa bel buyp edım. Taǧaiyndaityn oblys äkımı nemese klandarǧa emes, halqyma senıp osy bäsekege bırınşı bolyp tırkelıp, bırınşı bolyp dodany bastadym. Bırınşı bop baǧdarlamany äzırledım. Bırınşı bolyp halyqpen kezdesudı bastadym. Bırınşı bolyp halyqtyŋ yqylasyna bölendım. Asyra maqtanu emes, audan halqy özı bılıp otyr.
Sailau bastalǧan 3 kün ışınde offlain men onlain 2 myŋǧa juyq elektoratqa jol taptym. Audanda 7 myŋ ǧana sailauşy. Sailau bıtkenge deiın älı 22 kün bar edı. Vatsap jelısı arqyly audan jastary "Mäke, che tam" degen qoldau toby qūryldy. Qyzmette ıstese de, jekeme şyǧyp sättılık tılegenderı köp boldy.
Jeke paraqşama şyqqandary az emes.
Degenmen tosqauyldar basynan baiqaldy. Mysalǧa sailau komissiiasynyŋ töraǧasy (mınezsız, bılımı taiaz!) janama kedergılerdı jasaumen boldy. Osy salada bırşama basşylyq jasasa da kandidatqa qajettı aqparatty bere almady. Derbes aqparat taratuşy saittarynda sailauǧa qajettı aqparattar salynbaǧan nemese keş salyp otyrdy. Maǧan zaŋ būzuşylyq turaly 12-künı şyǧarylǧan hattamany tek 13 künı tabystady. Al zaŋ boiynşa komissiia şeşımıne aryzdanuǧa tek 3 kün berıletın. Zaŋ būzu faktısı joq hattamany men der kezınde sotqa joldadym. Al sot prosesınde ol tolyqqandy jauap bere almai, ärdaiym qaǧazǧa ünılumen boldy.
Jalpy komissiiada täuelsız äreket etu joq jäne käsıbilık jetıspeidı. Būrmalau faktılerı köp. Maǧan körsetken biurokratiia men zaŋsyz äreketterı bırınşı emes dep oilaimyn. Osyǧan deiın zaŋsyzdyqtyŋ bırneşeuı jasalǧanyna eş kümänım joq. Bolaşaqta osy salaǧa tübegeilı reforma jasau qajet.
Sotqa qatysty. Jalpy el boiynşa būl pilottyq jobany bız siiaqty täuelsız, öz betınşe şeşım qabyldai alatyn bılımdı azamattardy qatystyrmai ötkızu tapsyrylǧan dep tüidım. Mysalǧa menıŋ qūjatym boiynşa eşqandai zaŋ būzuşylyq bolǧan joq. Menıŋ talap aryzym boiynşa sot 3 saǧatqa sozyldy. Men öz tarapymnan zaŋ būzuşylyq bolmaǧanyn senımdı türde jetkızdım. Al jauapker naqty sūraqtarǧa jauap bere almady. Prokuror da, sot ta şeşımdı ūzaq qabyldady. Bırneşe ret syrtqa şyǧumen boldy. Prokuror videoǧa tüsıruge qarsylyq bıldırdı. Tıptı keiın äleumettık jelıge sot otyrysyndaǧy mälımetterdı jariialamaudy sūrady. Būl öz kezegınde qoǧamdyq tolqularǧa alyp keledı dedı. Sottyŋ şeşımı qolyma tigende bölek jariialaimyn.
Tüigenım, būl sailaudyŋ joǧarydaǧy ssenariimen ötetınıne tolyq közım jettı. Barlyq jerde Prezident äkımşılıgımen kelısılgen tızımdegı adamdar ötedı. Qazırgı taŋda barlyq jerde sailaudyŋ legitimdı ötuı üşın negızgı kandidatpen bırge 1-2 kloun kandidattar bolady. Sol sebepten eger sız dauys beruge barsaŋyz uaqytyŋyzdyŋ bos ötkenı dep qabyldaŋyz. Odan da özıŋızge paidaly basqa düniege baǧyttaŋyz.
Endı sailau kelesı shemada ötedı. Qazırgı taŋda barlyq myqty kandidattar alynyp tastalǧan soŋ negızgı kandidat pen kloundar eldı aralaidy. Halyqty aldap, al sailau ucheskılerındegı adamdar memlekettık biudjetten ötırık sailau ötkızgenderı üşın jalaqy alady. Jalaqy üşın aryn satady. Tüsınem. Tırşılık. Kandidattar halyqty aldaidy, al halyq özın aldap, eskı Qazaqstan jalǧasa beredı.
Özım osy sailaudan eşteŋe joǧaltpadym. Eldegı ädıletsızdıktı, nadandar men aqşa üşın aryn satatyndardy öz közımmen taǧy bır märte kördım. Sailau jüiesın reformalau qajettıgın kördım. Bılımsız, mınezı joq, uaqyt ötkızıp jürgenderdı kördım. Tömende progrestıŋ tömen ekenın kördım. Jemqorlyqtyŋ örşıgenın kördım. Al janyp tūrǧan qyzmettegı jastardy körmedım. Öitkenı olardy söndırıp otyrady. Ortalyqsyzdandyrudy körmedım, tiısınşe vertikaldy bilıktıŋ küşın kördım.
Būl sailaudyŋ tek bastamasy. Bıraq basy ädılettı bolmady. Bärı jasandy, zaŋsyz öttı. Sondyqtan sanaly adam öz taŋdauyn jasap, būl sailauǧa barmaidy degen ümıttemın.
Taŋdau sızdıkı, degenmen ädılettı Qazaqstandy taŋdau üşın būl sailauǧa boikot jariialaimyn!..
Ūqsas jaŋalyqtar
