«Baıtaq» jasyldar partııasynyń tóraǵasy Azamathan Ámirtaı ózine qatysty taraǵan aqparattyń jalǵan ekenin málimdedi. Onyń habarlaýynsha, ózin eshkim de "Baıtaq" partııasynyń qatarynan shyǵaryp jibergen joq, munyń jaı ǵana qara pıar ekenin aıtty, dep habarlaıdy "Adyrna" ulttyq portaly QazTag-qa silteme kórsete otyryp.
"Eshqandaı da shyndyqqa janaspaıdy. Nıeti teristerdiń jazyp júrgeni. Qara pıar da pıardyń bir túri. Bizdiń arnaıy jarǵy bar, barlyq partııa músheleri meni Tóraǵa retinde qabyldaıdy, tek Tóraǵanyń ǵana mundaı quqy bar. Bul ońaı proedýra emes. Biz qazir, kerisinshe, adamdardy qabyldaımyz. Sońǵy aptada biz partııanyń 2 myń jańa múshesin qabyldadyq. Men búkil Qazaqstandy aralap, belsendilermen kezdesip, ekologııalyq jobalarymyzdy iske qosamyn. Jumys qarqyndy júrip jatyr", - dedi Azamathan Ámirtaı.
Eske sala keteıik, «Baıtaq» partııasy naýryzda ótken saılaý nátıjesi boıynsha shektik daýys jınaı almaı, Májiliske óte almady. Buǵan deıin áleýmettik jelide 45 jastaǵy Azamathan Ámirtaı jasyldar partııasynyń basshysy qyzmetinen alynyp, "Baıtaq"partııasynyń quramynan shyǵarylǵany týraly aqparat taraǵan bolatyn.
"Adyrna" ulttyq portaly
