Resei ädılet ministrlıgı internet-resurs «Respublika.kz.media»-ny şeteldık agentter reestrıne qosty, dep habarlaidy "Adyrna" ūlttyq portaly Ferǧanaǧa sıltep.
Aqparat 2026 jyldyŋ 27 aqpanynda taraǧan.
Atalǧan joba — būrynǧy oppozisiialyq «Respublika» gazetınıŋ jurnalisterı qūrǧan media alaŋ. Ol Qazaqstan men Ortalyq Aziia elderındegı saiasi-äleumettık oqiǧalardy jariialap keledı.
Vedomstvonyŋ mälımdeuınşe, «Respublika.kz.media» şeteldık agentter men Reseide «qalausyz ūiym» dep tanylǧan qūrylymdardyŋ materialdaryn taratqan.
Sonymen qatar, Resei bilıgınıŋ şeşımderı turaly «şynaiy emes aqparat» jariialaǧan. Sonymen qatar ministrlık joba şeteldık ūiymnyŋ qoldauymen qūrylǧanyn jäne onyŋ basşylyǧy Reseiden tys jerde jüzege asyrylatynyn alǧa tartqan.
Reestrdegı «joba qatysuşylary» baǧanynda bas redaktor İrina Petruşova körsetılgen. «Şetel agentı» türı retınde «özge tūlǧalar bırlestıgı» dep belgılengen.
Būl — reseilık bilık apta saiyn jaŋartyp otyratyn «agentter» tızımıne qazaqstandyq būqaralyq aqparat qūralynyŋ alǧaş ret engızıluı.
Qazaqstandyq basylym soŋǧy jyldary Ukrainada qaza tapqan qazaqstandyq jurnalist Aidos Sadyqovtyŋ ölımıne qatysty jäne Nūrsūltan Nazarbaevtyŋ otbasynyŋ şeteldegı aktivterı jönındegı zertteu materialdaryn jariialaǧan. Ötken küzden berı «Respublika» saity Qazaqstan aumaǧynda aşylmaidy.
