«Serjan Bratan» - bar joǵy 12 serııadan turatyn týyndy. Az ýaqyt ishinde 49 mıllıonǵa jýyq qaralym jınady. Ár epızod bir kúnniń ishinde mıllıon qaralymǵa ıe boldy. Tengrinews redakııasy kórermennniń kózaıymyna aınalǵan tanymal serıaldyń rejısserimen suhbattasyp, kóptiń kókeıinde júrgen suraqtarǵa jaýap aldy, dep habarlaıdy "Adyrna" ulttyq portaly.
«Serjan Bratan» serıalynyń sıýjeti 90-shy jyldary bastaý alady. Oq tárizdi ótkir tákappar, jaltaq, qatal, reket Serjan (jas kezin Rústem Janymanov, al úlken Serjandy Dýlyǵa Aqmolda oınaıdy) búkil aýdandy qorqynyshta ustaıdy, odan bári qorqady, ol kóbin mensinbeıdi jáne ony bári syılaıdy. Biraq jańa ýaqyt aǵymymen qaraqshylar jappaı zańdastyryla bastaıdy jáne Serjan olardyń qataryna qosylǵysy kelgende baqytsyzdyqqa ushyrap komaǵa túsip, 23 jyl boıy sol kúıde jatady. 23 jyldan soń oıanǵan Serjan 2020 jylǵa tap bolady. Múldem basqa álem, basqa orta, basqa qoǵam jáne basqa otbasy. Óziniń áıeli tipti táte atalyp (Gúlmıra Jakılına) jáne eki balasy: ony jek kóretin qyzy, polıııa qyzmetkeri (Janel Serǵazın) jáne minezi jumsaq uly, jas bloger (Erbol Álmuhan). Endi Serjanǵa jańa ómirge, jańa adamdarǵa úırenisý qajet bolady. Ómirden óz ornyn taýyp, barlyq jańalyqtardy qabyldaýy kerek.
Oqıǵa sıýjeti kópti qyzyqtyryp, jaqynda ǵana óz núktesin qoıǵan bul serıal endi jalǵasyn taba ma?
Bul suraqqa Salem Social Media dırektory Rýstam Iýsýpov jaýap berdi:
"Men úshin kórermen retinde oqıǵa aıaqtaldy. Bul fınal. Jalǵasy túsirilse bálkim, ol qıynǵa soǵýy múmkin. Biz de, Álisher de ( Álisher Ýtev - serıal rejısseri, prodıýsseri) sıýjetti qaıtalaǵymyz kelmeıdi, birinshi maýsymǵa syımaıtyn oqıǵa jasaǵymyz kelmeıdi. 90-shy jyldardaǵy Serjandy kórsetý ıdeıasy bar. Biraq biz bul oıdy, endi talqylap jatyrmyz" dep jaýap berdi.
Álisher Ýtev jáne Rýstam Iýsýpov serıaldy tipti shet elderden tamashalaǵandar bolǵanyn, Qazaqstanda osy syndy týyndylardy túsirý úshin bir serııany túsirýge 2,5 mıllıonnan astam qarajat qajet ekenin jáne óz sózderinde elimizde kásibı akterlerdiń jetispeıtindigin atap ótti.
"Adyrna" ulttyq portaly
