Qazaqstan Prezidentı Nūrsūltan Nazarbaev Amerika Qūrama Ştattaryna resmi saparynyŋ qorytyndysy boiynşa baspasöz mäslihatynda Donald Tramppen ötken kezdesuı jaily aityp berdı.
"Barlyǧy da, bız de özımız kezdesken kezde bır-bırımızge qūrmet körsetemız. Menı Aq üige şaqyrǧandary üşın alǧys bıldırdım. Ol maǧan kelgenım üşın alǧys aitty. Aq üidıŋ ışıne kırgen soŋ ol menı barlyq delegasiiamen tanystyrdy. Sodan bız jeke äŋgımelesu üşın bır kabinetke kırdık. Bıraq men mūndaidy eşqaşan körmeppın. Qasymyzda ärdaiym adamdar boldy. Bıraq keiın ekeuımız otyryp äŋgımelestık. Keiınırek demalatyn bölmege bardyq. Taǧy da äŋgımelestık. Sosyn qoştasyp, bır-bırımızge sättılık pen densaulyq tıledık", - dedı QR Prezidentı.
Sondai-aq, Memleket basşysy AQŞ pen Resei arasyndaǧy qarym-qatynastyŋ naşarlaǧanyn aityp öttı.
"Bügınde AQŞ pen Reseidıŋ qarym-qatynasy naşar. Būdan eşkımge de jaqsy bolmaidy. Resei bızdıŋ körşı, serıktes, odaqtas. Reseimen sauda jönındegı ülken kelısımşarttar jasaldy. Donald Tramppen osy jaily da söilestık", - dedı Nazarbaev.
Osy rette Memleket basşysy AQŞ prezidentımen de Resei Federasiiasyna qatysty sanksiialar mäselelesın talqylaǧandaryn aitty.
"Bız osy jaily söilestık. (...) Menıŋşe, būl mäsele älı şeşıledı(...)", - dep senım bıldırdı Qazaqstan Prezidentı.
Osyǧan deiın Nazarbaevtyŋ BŪŪ Qauıpsızdık Keŋesı otyrysynda mälımdeme jasaǧany habarlanǧan bolatyn. "Mümkındıktı paidalana otyryp, Prezident Dudany Polşanyŋ Bırıkken Ūlttar Ūiymy Qauıpsızdık Keŋesınıŋ tūraqty emes müşesı retındegı qyzmetınıŋ bastaluymen qūttyqtaimyn. (...) Jahandyq ūiymnyŋ osy maŋyzdy organy aiasynda yntymaqtastyq pen yqpaldastyq tanytyp, bırlese jemıstı jūmys ısteimız dep ümıttenemın", - degen edı Qazaqstan Prezidentı.
Eske sala keteiık, Nūrsūltan Nazarbaev AQŞ-qa resmi saparmen 16 qaŋtarda barǧan bolatyn.
Qazaqstan Prezidentı AQŞ-tyŋ resmi ökılderımen kezdesu ötkızedı dep josparlanǧan. Sondai-aq, Nazarbaevtyŋ 18 qaŋtarǧa belgılengen BŪŪ Qauıpsızdık keŋesınıŋ qaru qoldanudy jappai joiuǧa arnalǧan brifingke qatysatyny aitylady. Sondai-aq, osyǧan deiın saiasattanuşy Erlan Qarin Nazarbaev pen Tramp kezdesuınıŋ maŋyzdylyǧyn aitqan edı. "İä, Qazaqstan öŋırlık memleket bolyp sanalady, degenmen de Qazaqstan türlı halyqaralyq pıkırtalastarǧa belsendı türde qatysyp jatyr. Sondyqtan da bızdıŋ prezidentımızdıŋ Amerika basşysymen kezdesuı osy mäselenıŋ özektılıgın arttyruǧa mümkındık beredı", - degen edı Erlan Qarin.
tengrinews.kz
Ūqsas jaŋalyqtar
