2 aqpan - Ūlttyq basylym künı merekesı bolyp bektıluı mümkın. Būl turaly Aşyq NQA portalynda jariialanǧan Ükımet qaulysynda jazylǧan, dep habarlaidy “Adyrna” ūlttyq portaly.
"Qazaqstandaǧy merekelık künder tızbesınıŋ qūrylymyna jaŋa merekelık kün, 2 aqpan – Ūlttyq basylym künı engızıledı", - delıngen qauly jobasynda.
Qūjatqa qosymşa berılgen tüsındırmede būl bastama būqaralyq aqparat qūraldarynyŋ maŋyzyn aiqyndap, sala qyzmetkerlerın yntalandyru maqsatynda ūsynylǧany jazylǧan.
"28 mausym - būqaralyq aqparat qūraldary qyzmetkerlerı künı, 2021 jyldan bastap 1 qazan - radio qyzmetkerlerı künı dep belgılendı. Būl dästür BAQ-tyŋ maŋyzyn körsete otyryp, osy saladaǧy qyzmetkerlerdı yntalandyra tüsedı. Ūlttyq basylymnyŋ alǧaş şyqqan künın ūlyqtau Resei, Äzerbaijan, Täjıkstan, Qyrǧyzstan siiaqty elderde dästürge ainaldy. Būqaralyq aqparat qūraldarynyŋ bastauynda tūrǧan "Qazaq" gazetınıŋ alǧaşqy sany şyqqan künın tarihi maŋyzdy dataǧa ainaldyrudyŋ maŋyzy zor", - dep tüsındırme berılgen qaulyǧa.
Qauly jobasy 3 säuırge deiın köpşılık talqylauyna şyǧarylady.
