Qazaqstan úkimetiniń otyrysynda "Qaıtarylǵan aktıvterdi basqarý kompanııasy" JShS qurý máseleleri qarastyryldy. 2023 jyl, 21 qyrkúıektegi qaýlyǵa sáıkes, qaıtarylǵan aktıvterdi basqaratyn kompanııa qurylatyn boldy, dep habarlaıdy "Adyrna" ulttyq portaly.
"Zańsyz ıemdenilgen aktıvterdi memleketke qaıtarý týraly" Qazaqstan Respýblıkasynyń zańynda jáne Qazaqstan Respýblıkasynyń basqa da zańdarynda belgilengen tártippen qaıtarylǵan aktıvterdi basqarý, saqtalýyn qamtamasyz etý, ótkizý seriktestik qyzmetiniń negizgi nysanalary bolyp aıqyndaldy.
Qujatta:
Jarǵylyq kapıtalyna memleket júz paıyz qatysatyn "Qaıtarylǵan aktıvterdi basqarý kompanııasy", – jaýapkershiligi shekteýli seriktestigi qurylsyn, delingen.
Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti Qazaqstan Respýblıkasynyń zańnamasynda belgilengen tártippen:
- seriktestik jarǵysyn bekitýdi;
- memlekettik tirkeý úshin seriktestik atynan qujattarǵa qol qoıýǵa, seriktestik organdary qurylǵanǵa deıin qarjylyq-sharýashylyq qyzmetti júzege asyrýǵa jáne úshinshi tulǵalar aldynda onyń múddelerin bildirýge ýákilettik berilgen tulǵany saılaýdy;
- seriktestikti "Azamattarǵa arnalǵan úkimet" memlekettik korporaııasynda memlekettik tirkeýdi qamtamasyz etedi. Atalmysh qaýly qol qoıylǵan kúninen bastap kúshine enedi.
"Adyrna" ulttyq portaly
