Saıası reformalar ulttyq qundylyqtarymyzdy jańǵyrtýǵa tyń serpin berdi - Qarın

2139
Adyrna.kz Telegram

"Prezıdenttiń bastamasymen iske asqan saıası reformalar ulttyq qundylyqtarymyzdy jańǵyrtý úderisine tyń serpin berdi". Bul týraly QR Memlekettik keńesshisi Erlan Qarın óziniń telegram-arnasynda jazdy, dep habarlaıdy "Adyrna" ulttyq portaly.

"Byltyr 16-naýryzda Prezıdent Qasym-Jomart Toqaev elimizdi saıası jańǵyrtýdyń aýqymdy baǵdarlamasyn usyndy. Sodan bergi bir jylǵa jetpeıtin ýaqytta buryn-sońdy Qazaqstanda bolmaǵan keń kólemdi ózgeris jasaldy. Birinshiden, 1995 jyldan beri alǵash ret jalpyulttyq referendým ótti. Halqymyz konstıtýııalyq reformaǵa qoldaý bildirdi. Ata Zańdaǵy toǵyz taraýdyń segizine, 98 baptyń 33-ine túzetý engizilip, basty qujattyń úshten biri jańartyldy. Sondaı-aq 7 konstıtýııalyq zańǵa, 15 kodekske jáne 29 zańǵa ózgerister men tolyqtyrýlar engizildi. Ekinshiden, jańa saıası reformalar qolǵa alyndy. Endi Prezıdent 7 jyldyq merzimge bir ret saılanady. Sondaı-aq, Memleket basshysy saıası partııanyń múshesi bola almaıdy. Parlament pen máslıhattardy jasaqtaý tártibi ózgerdi, olardyń ókilettigi kúsheıdi. Konstıtýııalyq sot qurylyp, jumys isteı bastady. Bul rette atalǵan sot músheleriniń ókilettik merzimi Prezıdent pen Parlament depýtattaryna qaraǵanda uzaǵyraq bolady",- dep jazdy Qarın.

Saıası partııalardy tirkeý rásimi jeńildetildi.

"Nátıjesinde eki jańa partııa tirkeldi.  Osylaısha, memlekettik-saıası qurylymnyń jańa úlgisi qalyptasyp, bılik tarmaqtary arasynda tepe-teńdik ornady. Úshinshiden, mańyzdy memlekettik ınstıtýttardy júıeli túrde qaıta qurý úderisi aıaqtalyp keledi. Prezıdent jáne Senat depýtattarynyń saılaýy ótti. 19-naýryzda jańa aralas júıe (partııalyq tizim men bir mandatty okrýgter) boıynsha Májilis pen máslıhattardyń depýtattary saılanady. Tórtinshiden, elimizdiń ákimshilik-aýmaqtyq qurylymy da ózgerdi. Abaı, Jetisý jáne Ulytaý oblystary quryldy. Almaty oblysynyń ortalyǵy Qonaev qalasyna kóshti. Besinshiden, memleket pen azamattyq qoǵam arasynda syndarly áriptestik ornatý jumysy jalǵasty. Babalar jolymen Ulttyq quryltaı shaqyrylýyn osy baǵyttaǵy ilkimdi isterdiń dáleli deýge bolady. Onyń alǵashqy otyrysy ult uıasy – Ulytaýda ótti, ekinshi otyrysy kıeli Túrkistanda ótedi. Eń bastysy, Prezıdenttiń bastamasymen iske asqan saıası reformalar ulttyq qundylyqtarymyzdy jańǵyrtý úderisine tyń serpin berdi. Sondaı-aq, azamattardyń belsendiligin arttyrýǵa jáne olardyń elimizdi jan-jaqty damytý isine atsalysýyna jol ashty",- dedi Memlekettik keńesshi. 

"Adyrna" ulttyq portaly 

Pikirler