Búgin Erke Ertistiń jaǵasyndaǵy Pavlodar oblysynyń bas gazeti "Saryarqa samalyna" 90 jyl tolyp otyr.
«Saryarqa samaly» gazeti alǵash ret 1929 jylǵy 15 aqpanda jaryqqa shyqty.
Keńestik ıdeologııanyń talabyna sáıkes «Keńes týy», «Kolhoz», keıin «Qyzyl tý» degen ataýlarmen jaryq kórgen.
El egemendigin alǵan soń «Saryarqa samaly» degen ataýdy ıelendi.
Gazettiń alǵashqy redaktory qazaq fılologııa ǵylymynyń negizin salýshy, túrkitanýshy, ádebı synshy Beısenbaı Kenjebaev.
Beısenbaı Kenjebaevtan keıin gazetke ár jyldary Ǵalym Maldybaev, Baltabek Asanov, Álimbek Janǵabylov, Áýbákir Aıapbergenov, Sary Myńbaev, Hamza Syzdyqov, Ázilhan Nurshaıyqov, Omarǵalı Qudyshev, Subyhan Shoshanov, Baltabaı Seısenbekov, Álqoja Muhamedjanov, Muhıt Omarov, Asyl Ábish redaktorlyq etti.
"Saryarqa samaly" oblys jurtshylyǵy asyǵa kútip oqıtyn, halyqtyń syrlasyna aınalǵan gazet bola bildi. Buqara muń-muqtajyn, qýanysh qaıǵysyn osy basylym arqyly bólisýde.
Biz kerekýlik áriptesterimizdi toqsan jyldyq merekelerimen quttyqtap, shyǵarmashylyq tabys tileımiz!
Jazǵandaryńyzdan jazarlaryńyz kóp bolsyn!
Qurmetpen "adyrnalyqtar".
