Elorda äkımınıŋ ökımımen qala äkımınıŋ orynbasary qyzmetıne Nūrlan Nūrkenov taǧaiyndaldy, - dep habarlaidy "Adyrna" Astana äkımdıgınıŋ resmi saityna sılteme jasap.
Äkımnıŋ orynbasary ışkı saiasat, jastar saiasaty men aqparat, mädeniet, densaulyq saqtau, bılım beru, äleumettık qorǧau, dene şynyqtyru jäne sport salasyna qatysty mäselelerge jauapty bolady.
Nūrkenov Nūrlan Jaŋbyrşyūly - Selinograd qalasynda 1976 jyldyŋ 3 qaraşasynda düniege kelgen. S. Seifullin atyndaǧy Aqmola agrarlyq universitetın, QR Prezidentı janyndaǧy Memlekettık basqaru akademiiasy Memlekettık saiasattyŋ ūlttyq mektebın, Qaztūtynuodaǧynyŋ Qaraǧandy ekonomikalyq universitetın tämamdaǧan.
Eŋbek jolyn 1995 jyly "Şamşyraq" HJQ-da menedjer retınde bastaǧan bolatyn. 2003 jyldan 2006 jylǧa deiın Astana äkımı apparatynyŋ ūiymdastyruşylyq-inspektorlyq jūmys bölımnıŋ bas mamany, öndırıstık sala bölımınıŋ meŋgeruşısı bolyp jūmys ıstedı. 2006-2010 jyldar aralyǧynda QR Prezidentı Is basqarmasynyŋ kürdelı qūrylys jäne tehnikalyq qadaǧalau, resmi ıs-şaralar men syrtqy bailanystar jönındegı bölımderınıŋ meŋgeruşısı jäne orynbasary qyzmetın atqardy. 2010 jyly Astanadaǧy "Möldır su" JŞS basşysy qyzmetıne taǧaiyndaldy. 2013 jyldan 2014 jylǧa deiın Burabai audanynyŋ äkımı boldy. 2014 jyldan Aqmola oblysy äkımınıŋ öndırıstık sala jönındegı orynbasary qyzmetın atqardy. 2017 jyly QR Prezidentı Äkımşılıgınıŋ memlekettık inspektory bolyp taǧaiyndaldy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz