«Auyl» partiiasynyŋ sailaualdy qorytyndy ıs-şarasy qazaqy qaimaǧy būzylmaǧan, eŋkeigen qarty men eŋbektegen balasyna deiın diqanşylyqpen ainalysatyn şyraily Şymkentte, qazaq zaŋdarynyŋ bastauy «Jetı Jarǧyǧa» mör basylǧan Märtöbede öttı.
«Auyl» partiiasynyŋ Qazaqstan Respublikasy Parlamentı Mäjılısıne jäne barlyq deŋgeidegı jergılıktı mäslihattarǧa kandidattarynyŋ ügıt-nasihat nauqanyn talqylaǧan qorytyndy otyrysy öttı. Jiynǧa partiia töraǧasy Äli Bektaev, Mäjılıs pen mäslihattarǧa partiialyq tızım men majoritarlyq jüie boiynşa tüsetın kandidattar, partiianyŋ öŋırlık filialdarynyŋ, öŋırlık ştabtardyŋ basşylary men müşelerı, jergılıktı halyq qatysty.
«Bügın barşamyz Qazaq memlekettıgınıŋ tarihynda asa maŋyzdy röl oinaǧan qasiettı oryn – Märtöbede jinalyp otyrmyz. Būl töbe – Qazaq handyǧy tarihynda Dala Parlamentınıŋ mındetın atqaryp kelgen qos töbenıŋ bırı. Elımızdıŋ bastysy men şyǧysynan, oŋtüstıgı men soltüstıgınen jinalǧan balalarymyz maŋyzdy mäselelerdı osynda talqylaǧan. Osy jerde Jetı Jarǧy qabyldanǧan. Eldıŋ arasyndaǧy yntymaqty, tärtıptı, auyzbırlıktı saqtaityn zaŋdar osynda qabyldanǧan. Memlekettıŋ naǧyz körınısı Dala Parlamentı bolǧan. «Auyl» partiiasy – qazaqtyŋ salt-dästürlerın berık saqtaityn, ata-babalarymyzdyŋ jolymen kele jatqan partiia. Ata-babalarymyzdyŋ ruhy riza bolyp, bızdı qoldasyn», – dedı partiia töraǧasy Äli Bektaev.
Töraǧa partiia Memleket basşysynyŋ auyldyq jerlerdı damytu boiynşa bergen tapsyrmalaryn oryndauǧa, qoldau bıldıruge daiyn ekenın jetkızdı.
«Auyl» törge şyqsyn deuımızdıŋ de mänı zor. Auyl qalany, memlekettı asyrap otyr. Endı auyldyŋ infraqūrylymyn damytatyn kez keldı. Prezident Qasym-Jomart Kemelūly Toqaev sailanǧanda eŋ bırınşı auyldyq jerlerdı damytu jönınde Jarlyqqa qol qoiuy beker emes. Aldaǧy 5 jylda auylǧa köŋıl bölınedı. «Auyl» partiiasynyŋ Memleket basşysynyŋ auylǧa degen şyn nietın, tılegın oryndauşy ülken saiasi küş bolatyn mümkındıgı bar. Auyldy damytu tek bır partiianyŋ, bır adamnyŋ qolynan kelmeidı, bükıl el bolyp atsalysuymyz kerek. Auylda käsıporyndar aşu kerek, mektep salu kerek, balalaryn myqty universitetterde oqytuǧa kömektesu kerek. Auyldan aqyn da, batyr da, abyz da şyǧady, ol qasietı mol jer», – dedı Äli Bektaev.
Sondai-aq, partiia töraǧasy jiynǧa qatysuşylarǧa bır aidyŋ ışınde sailaualdy ügıt-nasihat jūmystary qalai jürgızılgenı turaly mälımet berdı.
Tapsyrys beruşı: "Auyl" HDPP; "Auyl" HDPP sailau qory qarajaty esebınen tölendı.«Biyl bız sailauǧa 500-ge juyq kandidat ūsyndyq. 25 kandidatty mäslihattarǧa, 25 adamdy partiia tızımınen Mäjılıske, 7 adamdy bırmandatty okrugterge ūsyndyq. Elge qyzmet etetın azamattardy alǧa şyǧaryp otyrmyz. «Auyl» partiiasy bır aidyŋ ışınde 6 myŋnan astam şara ötkızdık, oǧan 800 myŋnan astam adam qatysty. «Auyl» – elımızdıŋ eŋ şalǧai auyldaryna jetken jalǧyz partiia. Qazaqstan boiynşa 1200 bastauyş partiia bar, 300 myŋnan astam müşemız bar, 20 oblysta filialdarymyz bar. Iаǧni «Auyl» partiiasy – qolynan ıs keletın, jauapkerşılık ala alatyn, eldıŋ mäselesın şeşe alatyn partiia», – dedı ol qorytyndy sözınde.
