Batys Qazaqstan aimaǧynda su tasqyny saldarynan 1 adam köz jūmdy. Al şyǧyn bolǧan mal-mülıkte esep joq, dep habarlaidy "Adyrna" ūlttyq portaly "QazAqparat"-qa sılteme körsete otyryp.
BQO TJ departamentı jaǧdaiǧa qatysty mälımdeme jasady. Şyŋǧyrlau audanyna qarasty Aqtau auylynan 11 nauryz künı, saǧat 19.00-de 1984 jäne 1977 jylǧy ekı er adam Aqsai qalasyna qarai traktormen şyqqan.
14 nauryz künı saǧat 17.17-de olardyŋ joǧalyp ketkenı jönınde habar tüsken. Däl sol uaqytta Börlı audanynda su tasqyny oryn alǧan. Saǧat 23.25-te Aqsai qalasynan «QPO b.v.» kompaniiasynyŋ jol talǧamaityn kölıgı ızdeuge şyqqan. Alaida jol bolmaǧandyqtan, saǧat 03.00-de ızdeu toqtatylǧan.
BQO polisiia departamentınıŋ baspasöz qyzmetkerı Dariǧa Mäjitovanyŋ aituynşa, atalǧan er adamdar Aqtau auylyna järdem beruge baryp, kerı qaitqan kezde traktor balşyqqa batyp qalǧan. Bıreuı kömek ızdep ketken de, ekınşısı, 1984 jylǧy er adam aiaǧy auyrǧandyqtan, kütıp qalǧan.
«15 nauryz künı Börlı audany Aqbūlaq auylynan 9 şaqyrym jerde aşyq daladan 1984 jylǧy er adamnyŋ mürdesı tabyldy. Onyŋ denesınde zorlyq-zombylyq belgılerı bolǧan joq. Atalǧan derek adam ölımı retınde tırkeldı. Saraptama jürgızılude. Bastapqy sebebı – suǧa ketken», - dedı D.Mäjitova. Mūny "QazAqparat" bölıstı.BQO densaulyq saqtau basqarmasynyŋ baspasöz hatşysy Ainagül Saqposynovanyŋ naqtylauynşa, ekınşı er adam Börlı audandyq auruhanasynyŋ terapevtık bölımşesınde jatyr. Onyŋ oŋ jaq ökpesı qabynǧan. Jaǧdaiy - auyr. Batys Qazaqstandaǧy su tasqyny zardaptaryn seiılu jäne joiu jūmystary jalǧasyp jatyr. Qazırgı künı 100-den astam kiık sudan şyǧarylǧan. 57 tūrǧyn üiden su soru jūmystary aiaqtalyp, 275 adam baspanalaryna oraldy. Degenmen Jaiyq özenındegı su deŋgeiı älı köteruluı mümkın deidı mamandar. Olar tūrǧyndardy saq, sergek boluǧa şaqyrady. Al tūrǧyndar jauapty mekemeler men el basynda jürgen tūlǧalardyŋ mūndai tabiǧattyŋ tosyn mınezıne daiyn bolmaǧanyn, daiyndyq jürgızbegenın aityp otyr.
"Adyrna" ūlttyq portaly
Ūqsas jaŋalyqtar
su tasqyny
batys qazaqstan
batys
Köktem
körısu
tötenşe jaǧdailar ministrlıgı
Jaŋa Qazaqstan
qazaqstan elı
