Eks-prezident Nūrsūltan Nazarbaevtyŋ küieubalasy, milliarder, käsıpker Timur Qūlybaev Atyrau oblysyndaǧy su tasqyny zardaptaryn joiyp, öŋırdı qalpyna keltıruge 30 mlrd teŋge böledı. Būl turaly Energy monitor telegram-arnasy jariialady, dep habarlaidy “Adyrna” ūlttyq portaly.
Qarajat tūrǧyn üilerdı jöndeuge jäne jaŋadan saluǧa, infraqūrylymdy qalpyna keltıruge, sondai-aq tabiǧi apattan zardap şekkenderge kömek körsetuge jūmsalady. Şyǧyn eseptelıp bolǧasyn, būl jūmystar şūǧyl türde jürgızıledı.
«Su tasqynynan zardap şekken ärbır jannyŋ qaiǧysyna ortaqpyn. Apattyŋ alǧaşqy künnen bastap qarǧyn sudyŋ astynda qalǧan aimaqtarǧa kömek qolyn sozdyq. Prezident Qasym-Jomart Toqaevtyŋ basşylyǧymen barlyq qiyndyqty eŋseretınımızge senımdımın», - dedı Timur Qūlybaev.
Aita keteiık, qazaqstandyq käsıpkerler men belsendı azamattar memleket basşysy Qasym-Jomart Toqaevtyŋ su tasqynynyŋ saldaryn joiuda bırlesıp äreket etu turaly ūsynysyn qoldady.
Eske salaiyq, būǧan deiın Timur Qūlybaevtyŋ baqylauyndaǧy Atlas Development jäne Omirex kompaniialary äl-Farabi atyndaǧy Qazaq ūlttyq universitetınıŋ (QazŪU) bizneske ötken jer uchaskelerı boiynşa ötken sotta jeŋılgenın habarlaǧan edık.
Ūqsas jaŋalyqtar
