Soltústik Qazaqstan oblysy ákimdiginiń Bilim basqarmasy Qazaqstan Respýblıkasy Prezıdentiniń atynan 2024 jylǵy shyrshaǵa arnalǵan jańa jyldyq syılyqtardy (planshetter) satyp alýdy bastady, - dep habarlaıdy «Adyrna» ulttyq portaly goszakup.gov.kz saıtyna silteme jasap.
Soltústik Qazaqstan oblysynyń Bilim basqarmasy Prezıdenttiń atynan jańa jyldyq syılyqtardy satyp alýdy alty aı buryn, maýsym aıynda bastaǵan.
Oblystyq Bilim basqarmasy maýsym aıynyń 30-y kúni 2024 jyly shyrshaǵa arnalǵan Prezıdenttiń jańa jyldyq syılyqtaryn (planshetter) satyp alýǵa 14 285 714 teńge bólip, tender jarııalaǵan. Baǵa usyný tártibimen ótken tenderdiń qorytyndysy 10 shilde kúni shyǵyp, jeńimpaz anyqtalmaǵan. Artynsha, 15 shilde kúni atalǵan lotty bir kózden «ArAı1216» kompanııasy utyp alǵan.
Tenderdiń tehnıkalyq sıpattamasynda syılyqtar shartqa qol qoıylǵan kúnnen bastap 15 kúntizbelik kún ishinde Soltústik Qazaqstan oblysy, Petropavl qalasy, Qazaqstan Konstıtýııa kóshesi 60 úıge jetkizilýi kerektigi kórsetilgen. Sondaı-aq, bilim basqarmasy bólgen 14 285 714 teńge qarjyǵa 200 dana planshet satyp alynǵan. Ár planshettiń quny – 71 428 teńge, 57 tıyndy quraıdy.
Qazaqstandaǵy buqaralyq aqparat quraldary Táýelsizdik kúni Jańa jyl merekesiniń kóleńkesinde qalyp qoıatynyn jylda synaıdy. Sol syndarǵa baılanysty memlekettik mekemeler Jańa jyldyq shyrshany táýelsizdik merekesinen keıin ornatýdy qolǵa aldy. Soltústik Qazaqstannyń Bilim basqarmasy sonyń birin de elemeı, jańa jylǵa Prezıdenttiń atynan syılyqtar alýdy 5-6 aı buryn bastap ketýiniń astarynda ne jatyr?
Siz ne deısiz?
Qanat Birlikuly
“Adyrna” ulttyq portaly
