“Qazaqfilm” animatorlaryna qalǧan 84 million teŋge nege tölengen joq? Būl turaly Ūlttyq kinony qoldau ortalyǧynyŋ basqarma töraǧasy Qūrmanbek Jūmaǧali aityp berdı, dep habarlaidy “Adyrna” ūlttyq portaly.
Töraǧanyŋ Facebook paraqşasyna jazǧan jazbasy boiynşa, “Qazaqfilm” animatorlary“Altyn adam” animasiialyq filmın tolyq aiaqtamaǧan. “Qazaqfilm” animatorlary“Altyn adam” animasiialyq filmıne qatysty mäsele kötergenın bılesızder. Būl jaǧdaidyŋ şielenısuınıŋ naqty sebebın bılulerıŋız tiıs dep esepteimın. Joba Ūlttyq kino ortalyǧyna 2020 jyly ūsynylyp, bastalǧan. Jalpy qūny 378 mln teŋgenı qūraidy. Kelısımşart boiynşa kinojoba 2021 jyly aiaqtaluy tiıs bolatyn. Bıraq oryndauşy jūmysty tolyq aiaqtamai, filmdı ötkızbedı.2022 jyly “Qazaqfilm” jobany qaita tapsyra almady. 2023 jylǧa sozylǧan jobada soŋǧy tüzetuler qamtylmaǧan bolyp şyqty. Ortalyq ūjymnyŋ 3 jyl boiy jobany aiaqtai almai kele jatqan sebepterıne tüsınıstıkpen qarap, tiıstı atqarǧan jūmystaryna qarajat tölenıp keldı. Oryndauşyǧa atqarǧan jūmysy üşın 294 mln teŋge tölendı”, dep jazdy ol.
Sondai-aq, ol animatorlarǧa tölenu kerek qalǧan 84 mln qarjy qaida ketkenın aitty.“Al qalǧan 84 mln nege tölengen joq? Sebebı, 2023 jyldyŋ soŋynda joba tolyq aiaqtaluy kerek edı. Alaida ūjym jyl soŋynda taǧy şikı jobany tapsyrdy. Saraptama keŋesı jobaǧa qatysty 126 eskertu engızgen. Bıraq būl tüitkıldı tūstar joǧaryda aitqanymdai, uaqytyly tüzetılmegen bolyp şyqty. Mäsele jyldarǧa sozyldy, sondyqtan Ūlttyq kinony qoldau ortalyǧy men «Qazaqfilm» arasyndaǧy ıs sotqa jettı. Al aiaqtalmaǧan jobaǧa memleket qarjy böle almaidy. Osyǧan bailanysty qalǧan 84 mln teŋge karjy biudjet qazynasyna qaitaryldy.
Taǧy bır eskeretın dünie, osydan bır ai būryn "Qazaqfilm" tızgınındegı ärıptesım Azamat Satybaldymen bırge sot şeşımın oryndau jönındegı mediativtı kelısımge keldık. "Qazaqfilm" jäne jobaǧa jauapty ūjym jobany özara kelısım arqyly aiaqtap, "Altyn adam" animasiialyq filmın prokatqa şyǧarady. Odan tüsken taza tabystyŋ 20%-y kino ortalyǧyna audarylsa, qalǧan 80%-y "Qazaqfilmnıŋ" ülesınde qalady. Osylaişa "Qazaqfilm" atalǧan jobanyŋ tüsırılım toby aldyndaǧy bereşegın öteitın bolady”, dep jazdy Qūrmanbek Jūmaǧali.
Qūrmanbek Jūmaǧalidyŋ aituynşa, mäsele zaŋ aiasynda şeşılmek.“Ūlttyq kinony qoldau ortalyǧynyŋ taiqazany sız ben bızdıŋ qarjymyzdan qūralǧan. Sondyqtan är tiynnyŋ sūrauy baryn eskeruımız qajet. Mäselenıŋ zaŋ tūrǧysynan şeşılıp jatqany da sodan.
Bız tek bärı zaŋ aiasynda şeşılse deimız. Äitpese, "Qazaqfilm" basşysy Azamat Satybaldymen arazdyǧymyz joq. “Öser eldıŋ balasy bırın bırı batyr der” demekşı, Azamat ekeumız de otandyq kinonyŋ damuyna müddelımız jäne bır-bırımızdı qoldauǧa daiynbyz.
Bızdıŋ baiqauymyzşa, eldıŋ kino salasyn kerı tartyp, damyǧanyn qalamaityn belgısız toptar bar sekıldı. Ärine, olardyŋ negızsız pıkırıne köpşılıktıŋ ilanbaǧany abzal. “Ötırıktıŋ qūiryǧy bır-aq tūtam”degendei, salanyŋ tek kemşılıgın sanamalauǧa beiım adamdardyŋ astyrtyn nietı tübı äşkere bolatyny sözsız. Mūndai qolaisyz jaǧdaidy tudyratyn jaǧymsyz pıkırlerge qaramastan, bız damuǧa bet tüzegen baǧytymyzdan jaŋylmai, jūmystarymyzdy üzdıksız jalǧastyra beremız. Bır sözben aitqanda, eldıŋ kino salasyn ılgerı bastyruǧa bar küşımızdı salamyz”, dedı Ūlttyq kinony qoldau ortalyǧynyŋ basqarma töraǧasy.
