Pýtınniń shaqyrtýymen Qytaı basshysy Reseıge arnaıy baratynyn málimdedi

2927
Adyrna.kz Telegram

QHR basqarýshy partııasynyń basshysy Sı zınpın Vladımır Pýtınmen shaqyrtýymen Reseıge attanbaqshy. Resmı kezdesý 20-22 naýryz kúnderi ótedi dep josparlanǵan. Bul týraly The Wall Street Journal jýrnalısteri habarlady, dep jazdy "Adyrna" ulttyq portaly. 

Basylymnyń 21 aqpan kúni jazǵan jańalyǵynda:

"Qytaı kóshbasshysy Sı zınpın aldaǵy aılarda Reseı prezıdentimen memlekettik deńgeıdegi kezdesý úshin Máskeýge barýǵa daıyndalyp jatyr", - dep habarlaǵan edi.

Sonymen qatar, olar Qytaıdyń Reseı men Ýkraına arasyndaǵy qaqtyǵysty sheshýde mańyzdy ról atqarǵysy keletinin jazdy.

Al Reseılik "rbc.ru" agenttigi resmı kezdesýdiń saıası mańyzyn bylaı aıshyqtady:

- Kreml 17 naýryzda Sı zınpınniń Máskeýge arnaı keletinin jetkizdi.  QHR tóraǵasynyń sapary úsh kúnge sozylady. Qytaı kóshbasshysy Reseı prezıdentimen strategııalyq ózara is-qımyldy damytýdy talqylaıdy, memleket basshylary halyqaralyq arenada Reseı-Qytaı yntymaqtastyǵy máseleleri boıynsha pikir almasady. Sonymen qatar, kelissózder aıasynda "birqatar mańyzdy ekijaqty qujattarǵa" qol qoıylady dep kútilýde.

Esterińizge sala keteıik, Qytaıdyń syrtqy isterine jaýapty Van I Reseı men Ýkraına arasyndaǵy áskerı qaqtyǵysty sheshýge qatysty usynysyn jetkizgen edi. Muny Reseı basylymdary san-caqqa júgirtip, ótirik-shyny aralas biraz jazdy. Orys tildi basylymdar áli de Qytaı basshysynyń Reseıge arnaıy at basyn burýyn batysty tize búktirtip, AQSh pen Eýropanyń Ýkraınaǵa qarý tasymaldaýyn birjolata toqtatady dep senedi.

Degenmen, Qytaı kóshbasshysyn Pýtınniń ózi birinshi bolyp 2022 jyldyń jeltoqsanynda Máskeýge shaqyrǵan.

Pýtınniń aıtýynsha, bul sapar "kúlli álemge Reseı-Qytaı baılanystarynyń beriktigin kórsetip, jyldyń basty jańalyǵyna" aınalatyn sapar bolmaq.

 

"Adyrna" ulttyq portaly

Pikirler