Şymkenttegı Qazyǧūrt şaǧynaudanyndaǧy №86 jalpy bılım beretın mektep ǧimaratyndaǧy №71 sailau uchaskesınde dauys beruşıler nauryz köjeden däm tatty. Merekelık dastarhannan däm tatqan tūrǧyndar sailau nauqanyndaǧy būl bastamaǧa rizaşylyǧyn bıldırdı.
–Būl jolǧy sailau nauqany Nauryz merekesıne tūspa-tūs kelıp otyr. Mıne, osyndai quanyşty, merekelı künde özımız senım artqan ümıtkerlerge dauys berdık. Ūiymdastyruşylarǧa köp raqmet. Esıkten kırgen boida jyly lebızımen qarsy alyp, nauryz köje men bauyrsaq ülestırıp, jaqsy köŋıl-küi syilap jatyr. Osy sättı paidalanyp, barşa şymkenttıkterdı Ūlystyŋ ūly künımen şyn jürekten qūttyqtaimyn. Bügıngı sailauǧa belsendı türde qatysuǧa şaqyramyn,-dedı Tūran audanynyŋ biı Jetpısbai Jūrymbaev.
Qaladaǧy №71 sailau uchaskesınde taŋ azannan berı dauys beruşıler belsendı qatysyp jatyr. Būl sailau uchaskesınde 2 125 tūrǧyn tırkelgen. Al jürıp-tūruy qiyn jandarǧa komissiia müşelerı özderı barady. Olar üşın barlyq jaǧdai jasalǧan. Qazırge deiın 3 sailauşydan üide dauys beru ūsynysy tüsken.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz