Jaqsylyqtan ümıttenıp, asyǧa kütken sailau künı de körgen tüstei öte şyqty. «Ädılettı Qazaqstan», «Jaŋa Qazaqstan» degen ūrandar – tek ideologiialyq tırkester ekendıgıne köz jetkızdık.
Özımız de «Nazarbaev rejimınıŋ şırıgen ırgetasynyŋ üstıne qalai «jaŋa Qazaqstan» qūrylmaq dep kümandanyp jüruşı edık. Bülıngen ırgetas jaŋa qūrylysqa negız bola almaidy eken. Bilık reformalardy konstitusiialyq deŋgeide jüzege asyrmaǧan soŋ bärı sol köne küiınde qala bermek.
Bızdıŋ bilıktegı eŋ tapşy qasiet – memleketşıldık bolyp tūr. Şeneunıkter, sailau uchaskesınıŋ qyzmetkerlerı memlekettıŋ demokratiialyq damu baǧytyna emes äkımşılık arqyly jekelegen bıreulerdıŋ nemese klandardyŋ müddesıne qyzmet etıp jatady. Ökınışke qarai Rysbek pen Ermūrattyŋ jaǧdaiy soǧan dälel. Ekeuı de baqylauşy qoiyp qadaǧalaǧan sailau uchaskelerınde basym dauysqa ie de, baqylauşy qoia almaǧan uchaskelerde «uqan-suqan» jaǧdailar oryn alyp jatyr. Bır adamnyŋ bırneşe uchaskede dauys beruı, qyzmetkerlerdıŋ biulletenderdı toptap saluy, «karusel» qūbylystary, bıreudıŋ ornyna bıreu dauys beruı siiaqty jaǧdailar basqa da sailau okrugterınde baiqalyp jatty. Äleumettık jelılerde videolary bar.
Qazaqstandaǧy sailaulardy baqylau jönındegı EQYŪ qysqa merzımdık miissiiasynyŋ jetekşısı ärı arnaiy üilestıruşısı İren Haralambides hanym bilıktıŋ Mäjılıs pen mäslihat sailauyna tyŋǧylyqty daiyndalǧanyn atap öte otyryp, bırqatar zaŋ būzuşylyqtarǧa jol berılgenın, «olar köbıne sailau qorytyndysyn şyǧaru men sanau kezınde» oryn alǧanyn aitty. Būl nenı körsetedı? Būl Nazarbaevtyŋ kadrlary Qazaqstandy jaŋa jolǧa sala almaǧanyn körsetedı. Rejim qanşa tyryssa da ejelden üirenşıktı «kolleiasynan» şyǧa almai qalǧan. Elektorattyŋ bilıkke senımı mülde tömen ekendıgın sailauǧa qatysuşylar sanynyŋ kürt kemıp ketkenı körsetıp berdı. Asa ökınıştı! Aqyryn kütemız endı!
"Adyrna" ūlttyq portaly
