Prezident Qasym-Jomart Toqaevtyŋ atyna Nauryz meiramyna orai şet memleketterdıŋ basşylarynan qūttyqtaular kelıp tüsıp jatyr. Būl turaly Aqordanyŋ baspasöz qyzmetı habarlady, dep jazady "Adyrna" ūlttyq portaly.
Özbekstan Prezidentı Şavkat Mirziëev qūttyqtau jedelhatynda ejelden bastau alatyn Nauryz meiramynyŋ filosofiialyq män-mazmūnynda qazaq pen özbek halyqtaryna ortaq ädet-ǧūryptar men qūndylyqtar körınıs tapqanyn atap ötıp, ekı halyq ta būl merekenı zor ümıtpen qarsy alatynyn aitqan.
«Özara tatu, körşıles elder retınde aramyzdaǧy yntymaqtastyq ekı halyqtyŋ müddesıne sai dami tüsetınıne senımdımın. Joǧary deŋgeidegı bailanystardy odan ärı jandandyryp, strategiialyq serıktestıgımız ben odaqtastyq qarym-qatynasymyzdy nyǧaita tüsuge mümkındıgımız mol», – dep jazylǧan jedelhatta.Qyrǧyzstan Prezidentı Sadyr Japarov özınıŋ jedelhatynda jyl basy sanalatyn ärı yntymaq-bırlıkke şaqyratyn Nauryz meiramynda bauyrlas qazaq halqyna baq-bereke tıledı.
«Osy jyl bızdıŋ elderımız üşın damu jyly bolady dep oilaimyn. Ortaq ruhani qūndylyqtar men dostyqqa, sondai-aq strategiialyq serıktestıkke negızdelgen jan-jaqty qarym-qatynasymyz ortaq küş-jıgerımızdıŋ arqasynda jüielı türde dami beretınıne senımdımın», – dep jazylǧan jedelhatta.Täjıkstan Prezidentı Emomali Rahmon öz qūttyqtauynda Qasym-Jomart Toqaevqa zor densaulyq, tabys, al bauyrlas Qazaqstan halqyna beibıt ömır men igılık tıledı.
«Nauryz meiramynyŋ myzǧymas qūndylyqtaryn tu etken elderımız strategiialyq serıktestık aiasynda dostyq qatynastarymyzdy jäne özara tiımdı yntymaqtastyǧymyzdy odan ärı nyǧaita tüsetınıne senımdımın», – dep jazylǧan Täjıkstan Prezidentınıŋ qūttyqtauynda.Äzerbaijan Prezidentı İlham Äliev özınıŋ qūttyqtau jedelhatynda Nauryz halyqtarymyzdyŋ älemdık mädenietke qosqan qūndy ülesı dep atap öttı.
«Būl mereke – özara tüsınıstık, dostyq pen yntymaqtastyqtyŋ belgısı. Bızdıŋ halyqtarymyzdyŋ erkımen qazaq–äzerbaijan dostyq qarym – qatynasy men serıktestıgın saqtau jäne nyǧaitu jolynda bırlesken küş-jıgerımızdı jalǧastyramyz dep senemın», – dep jazylǧan jedelhatta.Sonymen qatar Türıkmenstan Prezidentı Serdar Berdımūhamedov, İran Prezidentı İbrahim Raisi, Gruziia Prezidentı Salome Zurabişvili jäne TÜRKSOI halyqaralyq ūiymynyŋ bas hatşysy Sūltan Raev qūttyqtau jedelhattaryn joldady. Qūttyqtau hattary älı de kelıp tüsıp jatyr.
"Adyrna" ūlttyq portaly
