Şymkentte ūlttyq sport türlerı boiynşa halyqaralyq jarys märesıne jettı

Şymkent qalasynda Nauryz meiramyna orai «GREAT QAZAQ GAMES» atty sporttyq saiystar öttı. Onda elımızdıŋ barlyq öŋırlerınen jäne Türkiia, Qytai, Moŋǧoliia, Özbekstan, Qyrǧyzstan, Täjıkstan, Resei, Saud Arabiiasy men İordaniiadan kelgen sportşylar baq synady. Olar 3 kün boiyna kökpar, bäige, teŋge ılu, audaryspaq, jamby atu, qazaq küresı, dästürlı sadaq atu jäne toǧyzqūmalaq sekıldı ūlttyq sport türlerı boiynşa baq synady. Şymkent qalasyndaǧy jaŋa ippodromda ötken bairaqty bäsekede audaryspaq 5 salmaq därejesı boiynşa öttı. Nätijesınde 60 kelıge deiıngı salmaq därejesınde – aqtöbelık Azamat Serǧazin, 70 kelıge deiın – taǧy bır aqtöbelık sportşy Şyŋǧyshan Erjanov, 80 kelıde – türkıstandyq Daryn Ötkelbai, al, 90 kelıde Türkıstan oblysynyŋ taǧy bır ökılı Esımhan Rahmatılla jeŋıske jettı. Al, 90 kelıden joǧary salmaqta Aqtöbe oblysynan kelgen paluan Arman Saǧymbaevtyŋ baǧy janyp, «GREAT QAZAQ GAMES» oiyndarynyŋ jeŋımpazy atandy. Körermen qauym üşın eŋ qyzyqty saiystyŋ bırı kökpar bolǧany talassyz. Komandalyq kökpar boiynşa jüldelı 3-şı oryn jarys qojaiyndary Şymkent qalasynyŋ kökparşylaryna būiyrdy. Finalda Qyrǧyzstan Respublikasynyŋ ūlttyq qūramasy men Jambyl oblysy arasynda tartysty oiyn boldy. Nätijesınde jambyldyq kökparşylar jeŋıske jettı. Qazaq küresı boiynşa paluandar 8 salmaq därejesınde baq synap, özara jeŋımpazdardy anyqtady. Oǧan qosa tüi paluandy anyqtauǧa arnalǧan beldesulerde üşınşı oryn qyzylordalyq sportşy Maqsat İsaǧabylov ielendı. Al, finalǧa qos bırdei şymkenttık paluan Ersūltan Mūzapparov pen Marat Baiqūmarov şyqty. Tartysty ötken beldesudıŋ qorytyndysy boiynşa Marat Baiqūmarov jeŋıske jetıp, «GREAT QAZAQ GAMES» oiyndarynyŋ tüie paluany atandy. Mūnan bölek köneden kele jatqan dästürlı sport türlerınıŋ bırı –jamby atu boiynşa saiystar üş türlı stil, atap aitqanda, türık, korei jäne qazaq stilı boiynşa ūiymdastyryldy. Sondai-aq, teŋge ılu men asyq atu, erler men äielder arasynda toǧyzqūmalaq jäne dästürlı sadaq atu saiystary tartysty ötıp, Nauryzda köpşılıkke merekelık köŋıl-küi syilady.