Taraz qalasy Baryshan tūrǧyn alqabynda №62 orta mekteptıŋ aşylu räsımı öttı. 600 oryndyq jaŋa oqu ordasyn paidalanuǧa beru şarasyna Jambyl oblysynyŋ äkımı Nūrjan Nūrjıgıtov qatysyp, oquşylar men mektep ūjymyn, oquşylardy quanyşymen qūttyqtady.
-Bılım beru infraqūrylymyn damytu bızdıŋ alǧa qoiǧan basty mındetterımızdıŋ bırı. Bügınde oblys mektepterınıŋ materialdyq-tehnikalyq bazasy nyǧaiyp, jaŋa mektepter soǧylyp, apatty, üş auysymdy, oryn tapşylyǧy bar mektepterdıŋ mäselesı ret-retımen şeşımın tauyp keledı. Būl öz kezegınde bılım sapasynyŋ aitarlyqtai ösuıne septıgın tigızerı sözsız.
Jambyl öŋırınen şyǧyp, bügıngı künı türlı salada jemıstı eŋbek etıp, elımızdıŋ damuyna üles qosyp jürgen azamattarymyz az emes.
Sızder de sol aǧa-äpkelerıŋızdıŋ ızın jalǧastyryp, bolaşaqta myqty maman bolyŋyzdar,-dedı oblys äkımı.
Būdan soŋ jaŋa nysannyŋ lentasy qiylyp, kıltı tapsyryldy. Qonaqtar mektep ışın aralap körıp, kabinetterımen tanysty.
Qūrylysyn merdıger «Taraz-İrrigasiia» JŞS jürgızgen mektep 23 oqu bölmesımen, kompiuter, modifikasiialyq, lingafon kabinetterımen, sport zal, şeberhana, ashanamen qamtylǧan.
Aita keteiık, ötken jyly oblysta 20 bılım nysanynyŋ qūrylysyna 7,0 mlrd. teŋge bölınıp, 8 mektep paidalanuǧa berılse, aǧymdaǧy jyly 12 nysannyŋ qūrylysy aiaqtalady.
Sondai-aq, «Jaily mektep» ūlttyq jobasy aiasynda oblysta 20 mektep salynady. Onyŋ segızınıŋ qūrylysy biyl bastalsa, qalǧany keler jylǧa josparlanǧan. Taraz qalasynda aǧymdaǧy jyly tört “Jaily mekteptıŋ” qūrylysy qolǧa alynady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz